Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.20

v1.c65.20

ततः स्थपतिराचम्य बलिकर्म समाचरेत् ।
सूत्रपाते बलिं धीमान् सार्वभौतिकमाचरेत् ॥
तस्यालाभे बलिः कार्यो यो भवेत् सोऽभिधीयते ।
विदधीत च श्वेतारक्तपीतासितान् पृथक् ॥
पायसं कृसरं क्षीरं निष्पावान् श्वेतमोदनम् ।
पाविकादाद्रिपांश्च पल्लवोत्लापिकाघृतम् ॥
दध्योदनं च संमिश्रं देवताभ्यो निवेदयेत् ।
तिलैर्धृतेन सद्वैर्देवमग्निं च पूजयेत् ॥
ततश्च पायसं दध्ना ब्रह्मस्थाने निवेदयेत् ।
ततस्त्वनुक्रमेणैव देवताभ्यो बलिं हरेत् ॥
बलिकर्म यथान्यायं कृत्वा च द्विजवाचनम् ।
स्वशाखीयान् शुचीन् प्राज्ञान् पूजयेद् दक्षिणाफलैः ॥
ओंकारस्वानपुण्याहैर्गीतवादित्रनिस्वनैः ।
ततो विप्रैः सह स्वामी कुर्यात् तस्य प्रदक्षिणम् ॥
अक्षतान् प्रथमं कुम्भे दापयित्वा द्विजोत्तमैः ।