Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.32

v1.c65.32

रेवत्यां श्रवणे हस्ते शिलाविन्यासमाचरेत् ।
स्थिरस्य राशेरुदये सौम्यमित्रावलोकिते ॥
सम्यङ्निमित्तशकुनस्वस्तिपुण्याहवाचिते ।
हर्षोदये च मनसः कुर्याद् वास्तोर्निवेशनम् ॥
भद्रः प्रकृत्या शास्त्रज्ञः शुभः स्नातः समाहितः ।
कर्मारभेत स्थपतिः कृतदेवार्चनक्रियः ॥
पूर्णां समामविकलां चतुरश्रामनिन्दिताम् ।
शिलामाद्यां चये साध्वीं परीक्षेत विचक्षणः ॥
कुम्भाङ्कुशध्वजच्छत्रमत्स्यचामरतोरणैः ।
दूर्वानागफलोष्णीषपुष्पस्वस्तिकवेदिभिः ॥
नन्द्यावर्तैः सचमरैः कूर्मपङ्कनिशाकरैः ।
वज्रैः प्रशस्तैः प्राकारैर्भूषिताः कर्मणो हिताः ॥
दीर्घा ह्रस्वाल्पविषमाच्छाभध्मातापरीक्षिता ।
दिङ्‌मूढा चाङ्गहीना च सास्थ्यङ्गारा सशर्करा ।
खण्डा दुःपक्वनिर्भिन्ना कृष्णा दोषभयावहा ।
नृणां पशुतुरङ्गाणां पदाङ्काः स्वस्तिवृद्धये ॥
क्रव्यान्मृगविहङ्गानां पादैः स्पृष्टास्तु वर्जयेत् ।
नन्दाभद्राजयापूर्णाश्चतस्रः स्युरिमाः शिलाः ॥
वाशिष्ठी काश्यपी तद्वद् भार्गव्याङ्गिरसीति ताः ।
तत्र प्रागुत्तरे देशे संनिवेशस्य वास्तुनः ॥
नैर्ऋत्यां वा सकुसुमां समां गोचर्मसम्मितम् ।
वेदीं सगन्धकलशां चतुरश्रां प्रकल्पयेत् ।
आग्नेय्यामादितो नन्दां स्थापयेत् क्रमशः शिलाम् ।
अकालमूलैरख्यङ्गैः सपद्मोत्पलपल्लवैः ॥
सर्वौषधिहिरण्याद्यैर्हेमराजतमृन्मयैः ।
कुम्भैस्ताम्रमयैश्चापि मन्त्रैस्तामभिषेचयेत् ॥
तीर्थप्रस्रवणाम्भोभिः सरक्षोत्ततपङ्कजैः ।
सुगन्धिभिः सपुण्याहमभिषेकं प्रयोजयेत् ॥
जाह्नवीयमुनारेवास सरस्वतीदिसम्भवैः?वम्) ।
महानदीजलं शस्तं शुभतीर्थभवं तथा ॥
तथाद्रिवनदेशान्तदेवायतनानि च ।
अभिषेकार्थमम्भांसि यथालाभमुपाहरेत् ॥
मन्त्रेणानेन चैतासामभिषेकं समाचरेत् ।
हिरण्यवर्णाः पावन्यः शुभयो दुरितच्छिदः ॥
पुनन्तु शान्ताः श्रीमन्त्य आपो युष्मान्मुञ्चन्तुतः ।