Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.38

v1.c65.38

**निर्माणद्रव्योपोद्घातः** सर्वंनिर्माणकार्याणां द्रव्यमाद्यस्सखा मंतः।
**वि० ब० ४. १** तस्मात्संपादयेद्विद्वान्सद्द्रव्यं शुभवर्धनम् ॥
**द्रव्यं द्विविधम्** धनवस्तुप्रभेदेन तद्द्रव्यं द्विविधं स्मृतम्।
**४. २-३** धनेन मानयेद्भृत्यान् शुभवाक्यैश्च नित्यशः ॥
इष्टिका च सुधा श्लक्ष्णा पारिभद्रादिदारवः।
अयःकीलादयश्चान्ये वस्तुसंज्ञा उदीरिताः ॥
**द्रव्यसंग्रहकालः** दारुसङ्ग्रहणं शस्तं शुभकाले विशेषतः।
**वनप्रवेशमांगलिकञ्च** स्वगुरुं स्थपतिं धेनुं श्रोत्रियान्वेदपारगान् ॥
**४. ४-७** पूजयित्वा विशेषेण दारुसङ्ग्रहणे रतः।
दिक्पालानायुधाधीशामर्चयेद्गन्धपुष्पकैः ॥
सह मङ्गलघोषेण काननं प्रविशेद्वुधः
शुद्धरशान्तमना भूत्वा नववस्त्रोत्तरीयकः ॥
देवानासपि देवींनां ध्वजस्तम्भाय दारुकान्।
आहरेन्मन्त्रघोषेण सर्वलोकहितप्रदान् ॥
**प्रशस्ताः देववृक्षाः** बकुलस्तिनिशस्साजः कोविदारश्च केसरः।
**४. ८-१४** श्रीपर्णस्सप्तपर्णश्च कुद्दालः पिण्डकस्तथो ॥