Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.42

v1.c65.42

मधूकं तिनिशं पूतिमन्थं क्षीरतरुं तथा ।
तिर्यग्द्वारौ चित्रकार्ये योजयेन्न कदाचन ।
नाडीवृक्षाः पिन्नवृक्षाः गुलिकाभिन्नदारवः ।
गजदन्तप्रभिन्नाश्च वक्रा भिन्नास्तथा वने ॥
पक्षिहीना दिवाभीतैरुषिताश्च (द्विजाधमैः) ।
विद्युता भिन्नवृक्षाश्च योधानामिषुभिर्हताः ॥
कण्टकावृतदेहाश्च न प्रशस्ताः प्रकीर्तिताः ।
उदीच्यां शयिता वृक्षाः देवालयशुभप्रदाः ॥
ऐन्द्रयां दिश्यथ वारुण्यामुदीच्यां वा विशेषतः ।
शयिताः पातिता वृक्षाः प्रशस्ता मानुषालये ॥
पतिता दक्षिणाशायां तथा प्रेतवनं गताः ।
दुष्टभूमिस्थिता वृक्षा वर्ज्या निन्द्याश्शुभेप्सुभिः ॥