Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.52

v1.c65.52

अग्रन्थिकोटरं स्निग्धमृजुं सारसमन्वितम् ॥
पीनस्कन्धं हरित्पत्रं वृत्तं चाभ्यर्च्य पादपम् ।
द्विजान् सन्तर्प्य च स्वस्ति वाच्यं च स्थपतिस्ततः ॥
पक्वापक्वामिषैस्तद्वद् भूतभक्तैः सुरासवैः ।
गन्धैश्च धूपमाल्यैश्च वलिं दद्यान्निशागमे ॥
अपक्रामन्तु भूतानि यानि वृक्षाश्रितानि हि ।
कल्पनं वर्त्तयिष्यामि क्रियतां वासपर्ययः ॥
धन्यः शिवः पुष्टिकिरः प्रजावृद्धिकरो भव ।
स्वस्ति (ते?च) न्द्रानिलयमाः सूर्यरुद्रानलास्तथा ॥
दिशो नद्यस्तथा शैलाः पान्तु त्वामृषिभिः सह ।
जल्पेद् यो मानुषगिरा कम्पते वाभिमन्त्रितः ॥
स त्याज्यः स्यात् तथा म्लानप्रवालकुसुमंरच यः ।
ततो भास्करमालोक्य वृक्षं कृत्वा प्रदक्षिणम् ॥
स्वस्तिवाद्येन विप्राणां छेत्ता स्थित्वोदगाननः ।
प्राङ्मुखो वा तरुं छिन्द्याच्छुस्त्रैः क्षौद्रान्विताननैः ॥
शाखिनश्छिद्यमानस्य जायते यद्यस्रक्स्रुतिः ।
कम्पनं वा ध्वनिर्वादपि मृत्युः स्याद् गृहिणस्तदा ॥
यद्वा दधिमधुक्षीरघृतानि स्रवति द्रुमः ।