Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.54

v1.c65.54

ज्ञेयानि मण्डलान्यस्य त (क्षणोच्छे?क्षणे छे) दनेऽपि च।
मञ्जिष्ठाभे विदुर्भेकं कपिलाभे च मूषकम् ॥
पीतभासि तथा गोधां सर्प दीर्घक्षितायते ।
शुद्धच्छा॑ये मधु भवेत् कृकलासस्तथारुणे ॥
गृहगोधा कपोताभे गौधेरो घृतमण्डभे ।
रसाञ्जनाभे शङ्खाभे कमलोत्पलभासि च ॥
धौतासियष्टिवर्णे च मण्डले जलमादिशेत् ।
आकारो यस्य सर्पस्य वर्णो वा संप्रदृश्यते ॥
तं सर्पगर्भितं वृक्षमादिशेदविचारयन् ।
तस्करेभ्यो भयं क्षौद्रे सलिले सलिलाद् भयम् ॥
विद्यात् सर्पे विषाद् भीतिं पाषाणे भयमग्नितः ।
अजाविगोमहिष्युष्ट्रास भादिनिपीडितम् -।
गोधागौधेरमण्डूककृकलासैश्च गर्भिते ।
मूषके पुनरिच्छन्ति मरणं वास्तुवेदिनः ॥
अमुनैव वदन्त्यन्ये गृहपीडां मनीषिणः ।
क्षेमेण यद्यविघ्नः स्यादसङ्कश्चागमो यदि ॥