Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.64

v1.c65.64

अथ प्राक्कथितादस्माद् भूतसर्गादनन्तरम् ।
प्रजासीदमरैः सार्धमियं पूर्णजनाकुला ॥
शोकव्याधिजरातङ्कविमुक्तास्त्रिदशा इव ।
पुराभवन् कृतयुगे पुमांसः स्थिरयौवनाः ॥
ते निकुञ्जेषु शैलानां नदीषु च सरस्सु च ।
वनेषु च विचित्रेषु चिक्रीडुर्देवैः सह ॥
हेलया ते समुत्पत्य कदाचिदमरैः सह ।
निरर्गलाः समासाद्य खर्विचेरुः सुरा इव ॥
चित्राम्बरावृताः सर्वे नानाभरणशालिनः ।
विमानाकृतयस्तेषामासन् कल्पद्रुमा द्रुमाः ॥
मनोज्ञाभिः सह स्त्रीभिर्विचित्राभर (णास्त्रि?णश्रि) यः।
कल्पद्रुमेष्वकार्षुस्ते वासं क्रीडां च तेष्वथ ॥
क्षुत्तृड्दुःखोज्झिता सर्वे बभूवुर्युतायुषः।
रत्नावदातदेहास्ते कदाचिद् भूरसाशिनः ॥