Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.66

v1.c65.66

तन्नाशशङ्कया शालितण्डुलानां द्रुमेष्वथ ॥
ते व्यधुर्महतो राशींस्तत्तत्क्षेत्राणि च चक्रिरे।
अजायत ततो लोभो मात्सर्यैर्यापुरस्सरः ॥
तत्र तत्र शनैश्चक्रे पदन्यासं च मन्मथः।
द्वन्द्वप्राप्त्या ततस्तेषां विभ्रतामुत्तमां गतिम् ॥
धैर्यध्वंसादभूत् स्त्रीपु भृशं रागतुरङ्गमः।
दारक्षेत्रनिमित्तानि भूयांस्तेषामनन्तरम् ॥
परिक्लेशैकमूलानि द्वन्द्वान्यासन् पृथक्पृथक्।
ततः स्वक्लृप्तमर्यादोच्छेदिष्वेवजितात्मसु ॥
अविनीतेष्वभाग्येषु स शालिस्तुषतामगात्।
प्रवृद्धरजसां तेषां सा पुण्यश्लोकता गता ॥
मलमप्रवृत्तिरभवत् तुषधान्योपसेवया।
तुषधान्ये ततो नष्टे परिभुक्ते च सञ्चये ॥
चीरवल्कलवस्त्राणां कन्दमूलफलाशिनाम्।
ऋतवः कालपर्यायात् षट् वसन्तादयोऽभवन् ॥
ततस्तेषामभूद् दोषरोगशोकाकुलं वपुः।
मनश्च कामक्रोधेष्र्यादैन्यास्रयादिदूषितम् ॥
.आधिदैवकमुष्णाम्बुशीतादिजनितं महत्।
आधिभौतिकमप्यासीद् दुःखं व्यालमृगादिजम् ॥
इत्थं दुःखत्रयार्त्तास्ते व्यवायाद्यभिगुप्तये।
हिमनीहारशीताम्बुवातातपाच्छिदेऽपिच ॥
अजातप्रीतयो वृक्षैः कुट्टिमानि गृहाणि (ते?च)।
व्यधुश्छित्त्वाश्मभिर्वृक्षानन्यानू दुःखार्त्तचेतसः ॥
स्मृत्वा कल्पद्रुमाकारास्तद्रूपाणि गृहाणि ते।
एकद्वित्रिचतुःसप्तदशशालानि चक्रिरे ॥
श(ब्दा?प्प)प्राकारपरिखेष्वाच्छन्नेषु तृणादिभिः।
हृष्टास्तेष्वनयन् कालमासेषु गृहमेधिनः ॥
इत्थमीषु गृहिणो गृहेषु ते शीतवातजलतापराशिषु।
हर्षसंवलितमानसाश्चिरं सन्निरस्तविपदोऽवसन् सुखम् ॥