Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.83

v1.c65.83

सुमुखं दुर्मुखं क्रूरं सुपक्षं धनदं क्षयम् ॥
आक्रन्दं विपुलं चैव विजयं गृहमुत्तमम् ।
ध्रुवे जयमवाप्नोति धन्ये धान्यागमो भवेत् ॥
जये सपत्नाञ्जयति नन्दे सर्वाः समृद्धयः।
खरमायासदं वेश्म कान्ते च लभते श्रियम् ॥
आयुरारोग्यमैश्वर्यं तथा वित्तस्य सम्पदः।
मनोरमे सन्तुष्टिर्गृहभर्तुः प्रकीर्त्तिता ॥
सुमुखे राज्यसन्मानं दुर्मुखे कलहः सदा ।
क्रूरव्याधिभयं क्रूरे सुपक्षं गोत्रवृद्धिकृत् ॥
धनदे हेमरत्नादि गाश्चैव लभते पुमान् ।
क्षयं सर्वक्षयं गेहमाक्रन्दं ज्ञातिमृत्युदम् ॥
आरोग्यं विपुले ख्यातिर्विजये सर्वसम्पदः ।