Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.86

v1.c65.86

यथार्थनामान्येतानि चरमात् प्रोक्तान्यविस्तरात्।
हंसं सुलक्षणं सौम्यं जयन्तं भव्यमुत्तमम्॥
रुचिरं सम्भृतं क्षेममार्चनं सुकृतं नृपम्।
उच्छ्रन्नं व्ययमानन्दं सुनन्दं चेति कीर्तितम्॥
एषामपि यथार्वत्वाद् गुणदोषान् निरूपयेत्।
षोडशैव परेऽपि स्युर्भैदास्तांश्च यथाक्रमम्॥
कथयामः समासेन यथार्थैरेव नामभिः।
अलङ्कृतमलङ्कारं रमणं पूर्णमम्बरम्॥
पुण्यं सुगर्भं कलशं दुर्गतं रिक्तमिप्सितम्।
सुभद्रं वन्दितं दीनं विभवं सर्वकामदम्॥
प्रभवं भाविकं क्रीडं तिलकं क्रीडनं सुखम्।
यशोदं कुसुदं कान्तं भासुरं सर्वभूषणम्॥
वसुधारं धनहरं कुपितं वित्तवृद्धिदम्।
कुलोदयं च विज्ञेयं गुणदोषास्तु पूर्ववत्॥
तद्भेदेभ्यः प्रसूतानि कथयामो विधानतः।
चूडामणि प्रभद्रं च क्षेमं शेखरमद्भुतम्॥
विकाशं भूतिदं हृष्टं विरोधं कालपाशकम्।
निरामयं सुशालं च रौद्रं मोघं मनोरथम्॥
सुभद्रं चेति सदनं संज्ञाभिरुपलक्षयेत्।
वेश्मनामेकशालानां शतं स्याच्चतुरुत्तरम्॥
कथितं तच्च संस्थानैर्नामभिश्च यथाक्रमम्।
द्विकोकिलं बुधैः ख्यातं हस्तिन्यादेः क्रमाद् गृहम्।
त्रीण्यायुः पशूधान्यानां क्रमादाद्यानि वृद्धये॥
एतेषामेव नाशाय भवेद् वेश्म द्विकोकिलम्।