Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c66.52

v1.c66.52

बालानां बालिकानां च युवतीनां विशेषतः।
शुद्धान्तसुन्दरीणां च चित्तहर्षाभिवृद्धये ॥
कल्पनं विविधं कार्यं स्थलजात्यादिभेदतः।
शुकानामपि कीराणां मयूराणामपि क्वचित् ॥
हरिणानां च वत्सानां लाल्यलीलादिनामपि।
शाला तु विविधा स्थाप्या लोहदारुसुधेष्टिकैः ॥
शुकानां पञ्जरः कुन्दा हरिणानां निगद्यते।
वत्सादीनां शालका च त्रैविध्यं मुख्यमीरितम् ॥
लोहदण्डं दारुदण्डं शृङ्खलान्वितमेव वा।
बहुरन्ध्रं सकटकं पञ्जरं कल्पयेद्बुधः॥
लोहदण्डमयी प्रायः कुन्ददारुमयी क्वचित्।
क्वचिच्छिलानुन्मयी सगवाक्षसतोरणा ॥
क्षुद्रशाला क्वचित्कार्या वत्सादीनां शुभे ॰स्थले।
नानाङ्गणसमोपेतशाला वाऽथ भौमिका ॥
सतोयपात्रा साधारा मध्यशृङ्खलिकान्विता।
वातायनस्थलकृता भीकैश्च विवर्जिता ॥
बहिः खेलनभूम्या वा शालया वा समेयुषी।
चतुर्दण्डाधिकोन्नत्या पटल्य्रा च विभूषिता ॥ -
कल्पनान्तरमूह्यैवं स्थाप्यं शिल्पविशारदैः॥