Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c66.8

v1.c66.8

पद्मपत्रगवाक्षं वा गजनेत्रगवाक्षकम् ॥
घटागवाक्षमथवा धेनुपादगवाक्षकम्।
मृगीनेत्रगवाक्षं वा पारावतगवाक्षकम् ॥
शुकनासागवाक्षं वा बहुरन्ध्रगवाक्षकम्।
तुरगास्यगवाक्षं वा कल्पयेत्तत्र शिल्पवित् ॥
सुखभद्रैर्नागभद्रैश्चतुर्भद्रैर्युतं तु वा।
अयःकीलयुतं वाऽथ शिलापट्टयुतं तु वा ॥
दृढसन्धानसंयुक्तं दृढकल्पनमेदुरम्।
युक्त्या शिल्पवशात्सर्वं शुद्धान्ते चाथ हर्म्यके ॥
चूलीहर्म्येषु सदनेष्वपि मानवसङ्गसु।
प्रासादे विविधे रम्ये शालास्वपि च तन्नयेत् ॥