Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c67.102

v1.c67.102

नैऋत्यां वाहनस्थानं वायव्यां वस्त्रगेहकम् ॥
ऐशान्यां धान्यभवनं मध्यस्थाने महागृहम् ।
कल्पनं मण्डपानां वा तत्तद्देशालकक्रमात् ॥
हस्तिशालावाजिशालागोशालानिस्तमन्वितम् ।
स्नानालङ्कारस्थानं विहारस्थानकानि च ॥
आस्थानमण्डपो वापि चतुःस्कन्धादिभूषितः ।
डोलाशयनशाला च गर्भगृहान्तरे मता ॥
प्रदक्षिणतलस्थानं सेवाप्राप्तिस्थलानि च ।
सव्ये वा पुरतो भागे वाहनारोहमण्डपः ॥
दक्षिणे मित्रभागे वा भूधरे वा पुरःस्थले ।
मुखवीथ्यां माठवीथ्यां वाहनारोहणस्थलम् ॥
नानाशालासमायुक्तं नानाकल्पनभूषितम् ।
नानागोपानसीयुक्तं नानागोपुरकल्पनम् ॥
सचित्रशिखरै रम्यं दृढकल्पं प्रकल्पयेत् ।
न मण्डलस्थानयुतं न न्यूनं नापि चाधिकम् ॥
दोषहीनं गुणोपेतं कल्पयेच्छिल्पवित्तमः ॥