Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c67.115

v1.c67.115

जगत्यां विस्तरः कार्यः प्रासादोच्छ्रयसंमितः ॥
गर्भार्धेनोच्छ्रयस्तस्याः शुभदः परिकीर्तितः ।
मण्डपस्य पञ्चांशार्धौ(?) पञ्चमांशादथ स्मृतः ॥
कर्णप्रासादकाः कार्याः प्रासादस्य त्रिभागतः ।
पूर्वापरमुखाः कार्यो एते याम्योत्तराननाः ॥
ऐन्द्रे याम्ये वारुणे च कौबेरे च यथाक्रमम् ।
दिग्भागेषु चतुर्ष्वेपु वलभीं विनिवेशयेत् ॥
गर्भविस्तारविस्तीर्णां द्वौ त्रिभागौ सुखायतम् ।
इति बाह्यपरीवारे जङ्घा प्रासादमानतः ॥
तिर्यंगायतमारोप्य सूत्रं गर्भेण मण्डपे ।
(गुरुकक्षोऽथ?) कर्तव्या गवाक्षस्तम्भसंयुताः ॥
प्रासादविस्तरात् कार्यो द्विगुणो मण्डपः सदा ।
मण्डपस्य(स?स्व) विस्तारा(द्)जगती द्विगुणा बहिः ॥