Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c67.121

v1.c67.121

भूमिलम्बविधानं तु वक्ष्ये संक्षेपतः क्रमात्।
चतुरश्रम्रायताश्रं वर्तुलं च तदायतम्॥
अष्टाश्रं च षडश्रं च द्व्यश्रवृत्तं तथैव च।
एतद् विन्यासमेदं स्यात् क्षयवृद्धिविधानतः॥
भूमिलम्भमिति प्रोक्तं त्रिचतुर्हस्तमानतः।
द्विद्विहस्तविवृद्ध्यैकं भूमेर्मानं चतुष्टयम् ॥
पञ्चषड् हस्तमारम्य द्विद्विहस्तविवर्धनात्।
द्वितले तु चतुर्मानं रुद्रभानुकरान्तकम्॥
सप्ताष्ट हस्तमारभ्य द्विद्विहस्तविवर्धनात्।
पञ्चदशरविकरान्तं त्रितले पञ्चमानकम्॥
नवपङ्क्तिकराद् यावत् पक्षशोडशहस्तकम्।
चतुष्पञ्चतलं प्रोक्तं चतुर्मानं सनातनम्॥
एकहस्तं द्विहस्तं वा क्षुद्रमेकतलं स्मृतम्।
युग्मायुग्मकरैर्मानैर्हस्तार्धोनसमन्वितैः ॥
केचिद् वदन्ति देवानां मानुषाणां विमानके।
विस्तारे सप्त षट पञ्च चतुर्र्थ्यंशेऽधिकं त्रिभिः॥
शान्तिकं पौष्टिकं जयदमद्भुतं सार्वकामिकम्।
उच्छ्रायं द्विगुणं पादार्धाधिकं चापि सम्मतम्॥
पञ्चदशकरव्यासाद्धीनं क्षुद्रविमानकम्।
सप्ताष्टाधिकपङ्क्त्यादि द्विद्विहस्तविवर्धनात् ॥
आसप्ततेश्रुतुभूम्यादीनि त्रीणि मतानि च।
सप्तविंशतिभेदानि द्वादशान्तान्यनुक्रमात्॥
त्रिचतुर्विंशतिरत्नेर्यावच्छतकरान्तकम् ।
त्रित्रिहस्तविवृद्ध्या तु त्रिनवोत्सेधमिष्यते॥
एवमुक्तप्रमानेषु श्रेष्ठमध्याधमं भवेत्।
त्रिचतुष्पङ्क्तिहस्तादि द्विद्विहस्तविवर्धनात्॥
पञ्चषष्टिहस्तान्तं सङ्ख्यया पूर्वसंस्कृतिः।
चतुस्तलविमानादि द्वादशान्तं विधीयते॥
सप्ताष्टपङ्क्तेरारभ्य त्रित्रिहस्तविवर्धनात्।