Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c67.129

v1.c67.129

प्राकारकल्पनं कल्पपञ्चकं प्रथमं मतम् ।
सैन्यवेशो द्वितीयन्तु तृतीयन्त्वर्गलादिकम् ॥
पृथक्कल्पक्रियोपेतं कार्याय परिकल्पते ।
दुर्गेषु राजधान्याञ्च नगरेषु विशेषतः ॥
दैवं भौपमिति प्रोक्तं द्विविधं तत्प्रकल्पयेत् ।
स्थलकल्पनयोग्यं तत्कल्पयेद् दृढसन्धिकम् ॥
प्रतिलोमानुलोमाभ्यां मानं तस्य द्विधा भवेत् ।
पादपादप्रमाणेन वर्धयेन्नृपमन्दिरे ॥
दैवेऽधिकं प्रमाणं वा तत्समं वा क्वचित्सतम् ।
दुर्गेषु कूपसंयुक्तं त्रुटनस्थानकान्वितम् ॥
क्षुद्रमण्डलयुक्तं वा स्थलमानवशान्नयेत् ।
मध्याङ्गुलिसमायुक्तं पिण्ड्यवर्धनसंयुतम् ॥
मस्तकेष्वपि वेष्टार्क पौषं नलिकसंयुतम् ॥
एवं भूपालभवनमन्दिरावरणस्थलम् ॥
आदौ वृद्धियुतं प्रायः क्रमाद्धीनं प्रकल्पयेत् ।