Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c67.36

v1.c67.36

पञ्चांशा कर्णिकाग्रे तु निर्गमो जाड्यकुम्भकम् ।
त्रिसाद्धै कर्णकं सार्धं चतुर्भिर्ग्रासपट्टिका ॥
कुञ्जराश्च नरा वेदा रामयुग्मं च निर्गमः ।
अन्तरालमधस्तेषामूर्ध्वाधः कर्णयुग्मकम् ॥
गजपीठं विना स्वल्पद्रव्ये पुण्यं महत्तरम् ।
जाड्यकुम्भः कर्णाली च ग्रासपट्टी तदा भवेत् ॥
कामदं कर्णपीठं च जाड्यकुम्भः कर्णालिका ।
ललिने निर्गमे हीने साधारे निर्गमाधिकम् ॥
सर्वेषां पीठमाधारः पीठहीनं निराश्रयम् ।
पीठहीनं विनाशाय प्रासादभुवनादिकम् ॥
हस्तादिपञ्चपर्यन्तं विस्तरेणोदयः समः ।
स क्रमान्नव सत्येपुरामचन्द्रोऽङ्गुलाधिकः ॥
पञ्चादिदशपर्यन्तं त्रिंशद्यावच्छूतार्धकम् ।
हस्ते हस्ते क्रमाद्वृद्धिः मनुसूर्यनवाङ्गुला ॥
एकहस्तादिपञ्चान्तं पृथुत्वेनोदयः समाः (मः ?) ।
हस्ते सूर्याङ्गुला वृद्धियार्वत् त्रिंशतकरावधि ॥
नवाङ्गुला करे वृद्धियार्वद्धस्तशतार्धकम् ।
पीठोर्द्धे उदयश्चैवं च्छाद्य (१?)न्ते नागरादिकम् ॥
एकविंशत् (?) पञ्चशते प्रासादस्य समुच्छूयः ।
पञ्चादिनवभागान्तं पीठस्य पञ्चधोदयः ॥
वेदवेदेन्दुभक्ते तु च्छाद्यान्ते (?) पीठमस्तकात् ।
खुरकः पञ्चभागं स्याद्विशती कुम्भकस्तथा ॥
कलशोऽष्टौ द्विसार्धं तु कर्त्तव्यं मन्तरालकम् ।
कपोतिकाष्टौ मञ्ची स्यात् कर्त्तव्या नवभागिका ॥
पञ्चत्रिंशतपदा जङ्घा तिध्यंशैरूद्गमो भवेत् ।
वसुभिर्भरणी कार्या शिरापट्टी दशांशिका ॥
अष्टांशार्धा कपोतालि (:?) द्विसार्धं मन्तरालकम् ।
च्छाद्यं त्रयोदशांशोच्चं दशभागैर्विनिर्गमः ॥
सपादं शिखरं कार्यं सकर्णं शिखरोदयम् ।
सपादकर्णयोर्मध्ये रेखाःस्युः पञ्चविंशतिः ॥
प्रोक्ता रेखा (:?) कलाभेदैर्वलनैः पञ्चविंशतिः ।
पञ्चादिनवयुग्मान्तं खण्डानि तेष्वनुक्रमात् ॥
अंशवृद्धया कलाः कार्या दैर्ये स्कन्धेऽपि तत्समा (:?) ।
अष्टादावसुपञ्चान्तं चतुर्वृद्धया तु पोडशम् ।
दैर्घ्यतुल्याः कलाः स्कन्धे एकहीनास्तु षोड़श ॥