Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c67.49

v1.c67.49

प्रासादानां चतुःषष्टिरीदानीमभिधीयते ।
या पूर्वं ब्रह्मणा दत्ता (प्र?प्रा) सादा विश्वकर्मणे ॥
मर्मवेधस्थिता वास्तुदेवाः पूज्या यथोचितम् ।
पूज्यता च स्मृतां तेषा प्रासादे मण्डपे ध्वजे ॥
आसने वाहने तद्वत् सर्वोपकरणेष्वपि ।
प्रासादे यादृश (श्छन्दस्तादृङ्मन्दपीठयोः?) ॥
तथा वास्तुविरुद्धं स्यात् प्रासादाङ्गे हिते (?) विदुः ।
अष्टावष्टौ स्मृतास्तेषु त्रिदशानां पृथक् पृथक् ॥
शम्भो (र्हरे) विरिञ्चस्य ग्रहाणाम (धिपस्य च) ।
चण्डिकाया गणेशस्य श्रियाः सर्वदिवौकसाम् ॥
विमानः सर्वतोभद्रो गजपृष्ठोऽथ ऋमकः ।
वृषभो मुक्तकोणश्च नलिनो द्राविडस्तथा ॥
इत्येतेऽष्टौ समुद्दिष्टाः प्रासादास्त्रिपुरद्रुहः ।
गरुडो वर्धमानश्च शंखावर्तोऽथ पुष्पकः ॥
गृह (र?राट्) स्वस्तिकश्चैव रुचकः पुण्ड्रवर्धनः
कार्या जनार्दनस्याष्टौ प्रासादाः पुरभूषणाः
मेरुमन्दरकैलासा हंसाख्यो भद्र एव च ।
उत्तुङ्गो मिश्रकरश्चैव तथा मालाधरोऽष्टमः
इत्यष्टौ ब्रह्मणः प्रोक्ताः प्रासादाः पुरमध्यगाः
गवयश्चित्रकूटश्च किरणः सर्वसुन्दरः
श्रीवत्सः पद्मनाभश्च वैराजो वृत्त एव च ।
एते कार्या रवेरष्टौ प्रासादाः शुभलक्षणाः ॥
(नन्द्यावर्तश्चैव चलभरचर्रादिख्यः?) सिंह एव च ।
विचित्रो योगपीठश्च घण्टानादपताकिनौ ॥