Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c67.69

v1.c67.69

@H तेषु अण्डकवर्तना
@H ५६. २३-३४
आद्यः पञ्चाण्डकः कार्यः प्रासादः केसरीति यः॥
सर्वतोभद्रको यस्तु विधेयः स नवाण्डकः।
त्रयोदशाण्डकस्तू स्यान्नन्दनो नाम यो भवेत्।
नन्दिशालस्तु यः प्रोक्तः स स्यात् सप्तदशाण्डकः॥
अण्डकैरेकविंशत्या नन्दीशः परिवारितः।
पञ्चविंशाण्डकोपेतं मन्दरं कारयेद् बुधः॥
श्रीवृक्षः शस्यते चैतेष्वेकोनत्रिंशताण्डकैः।
स्यात् त्रयस्त्रिंशताण्डैस्तु प्रासादो ह्यमृतोद्भवः॥
अण्डकैः क्रियते सप्तत्रिंशता हिमवानपि।
सैकया हेमकूटस्तु स्याच्चत्वारिंशताण्डकैः।
पञ्चचत्वारिंशताण्डैः कैलासो नाम नामतः।
भवत्येकोनपञ्चाशदण्डकः पृथिवीजयः॥
इन्द्रनीलश्च यःप्रो(कारः ?क्तः स त्रि ) पञ्चाशताण्डकैः।
सप्तपञ्चाशता युक्तो महानीलस्तथाण्डकैः॥
एकषष्ट्यण्डकोपेतः प्रासादो भूधरो भवेत्।
पञ्चषष्ट्यण्डकैर्युक्तो रत्नकूटः प्रशस्यते॥
नवषष्ट्यण्डकः कार्यो वैडूर्यः शुभलक्षणः।
त्रिसप्तत्यण्डकयुतः पद्मरागो विधीयते॥
अण्डकैः सप्तसप्तत्या प्रासादो विजयाभिधः।
नवाशीत्यण्डकोपेतो विधेयो मुकुटोत्कटः॥
ऐरावतस्तु पञ्चाशीत्यण्डकः परिकीर्तितः।
नवाशीत्यण्डकैर्युक्तो राजहंसः प्रशस्यते॥
नवत्या सप्तयुतया प्रासादो वृषभोऽण्डकैः।
शतेनैकोत्तरेणाण्डैर्मेरुः प्रासादराट् स्मृतः॥