Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v2.c83.32

v2.c83.32

अथ विमानादिमानविभागार्थमङ्गुलीनां विधिं वक्ष्ये । मानाङ्गुलं मात्राङ्गुलं देहलब्धाङ्गुल मितित्रिविधं भवति । दिवादित्यरश्मौ जालकान्तः प्रविष्टे तद्गोचरा अत्यन्तं क्षुष्णा लवाः परमाणवः प्रोक्ताः । परमाणुभिरष्टाभी-रथरेणुः। रथरेणुनाऽष्टगुणितं रोमाग्रम् । रोमाग्रादष्टगुणितं लिक्ष्या (लिक्षा) । लिक्ष्यादष्टगुणितं यूकम् । यूकादष्टगुणितं यवम् । यवादिष्टगुणितं मानाङ्गुलमुत्तमम् । तदष्टांशोनं मध्यमम् । तत्तूरीयांशोनमधमम् । पुरुषस्य दक्षिणहस्तमध्यमाङ्गलेर्मध्यमपर्वणि विस्तारं (आयतं वा) मात्राङ्गुलम् । बेरोत्सेधं तत्तालवशेन विभज्यैकांशं देहलब्धाङ्गुलं तदष्टांशं यवमिति ।