Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v2.c83.s2.57

v2.c83.s2.57

महिषस्थश्च कर्तव्यस्सर्वाभरणवान् यमः ॥ नीलोत्पलाभां धूमोर्णां वामोत्सङ्गे च कारयेत् । धूमोर्णा द्विभुजा कार्या यमः कार्यश्चतुर्भुजः ॥ दण्डखड्गावुभौ कार्यो यमदक्षिणहस्तयोः । ज्वाला त्रिशूला कर्तव्या त्वक्षमाला च वामके ॥ दण्डोपरि मुखं कार्यं ज्वालामालाविभूषणम् । धूमोर्णा दक्षिणो हस्तो यमपृष्ठगतो भवेत् ॥ वामे तस्याः करे कार्यं मातुलुङ्गं सुदर्शनम् । पार्श्वे तु दक्षिणे तस्य चित्रगुप्तं तु कारयेत् ॥ आपीच्यवेषं स्वाकारं द्विभुजं सौम्यदर्शनम् । दक्षिणे लेखनी तस्य वामे पत्रं तु कारयेत् ॥ वामे पाशधरः कार्यः कालो विकटदर्शनः ।