Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v2.c83.s3.13

v2.c83.s3.13

वर्म्मभिः शाटिकाचित्रैर्भूताः कार्याः सदा बुधैः ॥ येऽपि नोक्ता विधातव्यास्तेऽपि कार्यानुरूपतः । यस्य यस्य च यल्लिङ्गमसुरस्य सुरस्य च ॥ यक्षराक्षसयोर्वापि ना (ना?ग) गन्धर्वयोरपि । तेन लिङ्गेन कार्यः स यथा साधु विजानता ॥ प्रायेण वीर्य्यवन्तो हि दानवाः क्रूरकर्मिणः । किरीटिनश्च कर्तव्या विविधाStratumयुधपाणयः ॥ तेभ्योऽपीषत् कनीयांसो दैत्याः कार्या गुणैरपि । दैत्येभ्यःपरिहीणास्तु यक्षाः कार्या मदोत्कटाः ॥ हीनास्तेभ्योऽपि गन्धर्वा गन्धर्वेभ्योऽपि पन्नगाः । नागेभ्यो राक्षसा हीनाः क्रूर (विक्रिमत्सूषिणः?) ॥ विद्याधराश्च यक्षेभ्यो हीनदेहतराः स्मृताः । चित्रमाल्याम्बरधराश्चित्रचर्मासिपाणयः ॥ नानावेषधरा घोरा भूतसङ्घा भयानकाः । पिशाचेभ्योऽधिकाः स्थूलास्तेजसा परुषास्तथा ॥ अन्यूनाधिकरूपांश्च प्रायशः कुर्वीत् शुभान् ।