Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v2.c83.s3.37

v2.c83.s3.37

मीमांसा भगवान्सोमो न्यायमार्गः समीरणः ॥
धर्मश्च धर्मशास्त्राणि पुराणं च तथा मनुः ।
इतिहासं प्रजाध्यक्षो धनुर्वेदं शतक्रतुः ॥
आयुर्वेदस्तथा साक्षाद्देवो धन्वन्तरिः प्रभुः ।
फलवेदं महीदेवी नृत्यशास्त्रं महेश्वरः ॥
सङ्कर्षणः पाञ्चरात्रं रुद्रः पाशुपतं तथा ।
पातञ्जलमनन्तश्च सांख्यञ्च कपिलो मुनिः ॥
अर्थशास्त्राणि सर्वाणि धनाध्यक्षः प्रकीर्तितः ।
कलाशास्त्राणि सर्वाणि कामदेवो जगद्गुरुः ॥
अन्यानि यानि शास्त्राणि यत्कर्तृणि प्रचक्षते ।
स चैव देवता तस्य शास्त्रकाव्यस्व देहवत् ॥