Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v2.c84.15

v2.c84.15

असंख्यातानि सत्त्वानि शक्यन्ते नैव भाषितुम् ।
तत्तद्रूपानुसारेण लेखनीयानि कोविदैः ॥
सादृश्यं लिख्यते यत्तु दर्पणे प्रतिबिम्बवत् ।
तच्चित्रं विद्धमित्याहुर्विश्वकर्मादयो बुधाः ॥
आकस्मिके लिखामीति यदा तद्दिश्य लिख्यते ।
आकारमात्रसंपत्वे तदविद्धमिति स्मृतम् ॥
शृङ्गारादिरसो यत्र दर्शनादेव गम्यते ।
भावचित्रं तदाख्यातं चित्रकौतुककारकम् ॥
सद्रवैर्वर्णकैर्लेख्यं रसचित्रं विचक्षणैः ।
चूर्णितैर्वर्णकैर्लेख्यं धूलिचित्रं विदुर्बुधाः ॥
सुप्रमाणं तथा विद्धमविद्धं भावचित्रकम् ।
रसधूलिगतं प्रोक्तं मानसोल्लासपुस्तके ॥
निर्मितं चित्रलक्ष्मेदं चित्रं लोचनहारकम् ।
भूलोकमल्लदेवेन चित्रविद्याविरिञ्चिना ॥
चित्रं लक्षणसंयुक्तं लेखयित्वा महीपतिः ।