Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v2.c84.18

v2.c84.18

पट्टे पटे वा कुड्ये वा यथा चित्रस्य सम्भवः ।
वर्तयः कृतबन्धाश्च लेखामानं तथा भवेत् ॥
वर्णव्यतिक्रमो याहग् यादृशो वर्तनाक्रमः ।
मानोन्मानविधिश्चैव नवस्थानविधिस्तथा ॥
हस्तानां यश्च विन्यासो . . . . . ।
दिव्यानां मानुषाणां च दिव्यमानुषजन्मनाम् ।
गणरक्षःकिन्नराणां कुब्जवामनयोषिताम् ।
विकल्पाकृतिमानानि रूपसंस्थानमेव च ॥
वृक्षगुल्मलतावल्लीवीरुधां पापकर्मणाम् ।
शूराणां दुर्विधानां च धनिनां पृथिवीभृताम् ॥
ब्राह्मणानां विशां शूद्रजातीनां क्रूरकर्मणाम् ।
मानिनामथ रङ्गोपजीविनां चेह कथ्यते ॥
रूपलक्षणनैपथ्यं सतीनां राजयोषिताम् ।
दासीप्रव्रजितारण्डा (यतिवल्लीषु लक्षणा ॥
कन्यानामसंकाराणां च दिघ्याना) ? गजवाजिनाम् ।
मकरव्यालसिंहानां तथा यज्ञोपवीतिनाम् ॥
दिवारात्रिविभागस्य ऋतूनां चापि लक्षणम् ।
. . . . . ॥
प्रविभागस्य देवानां रेखाणां चापि लक्षणम् ।
लक्षणं पञ्चभूतानां तेषामारम्भ एव च ॥
वृकादीनां विहङ्गानां सर्वेषां जलवासिनाम् ।
चित्रन्यासविधानस्य ब्रूमः सम्प्रति लक्षणम् ॥