Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v2.c84.22

v2.c84.22

लतावॄक्षादिकान् वाथ नागान् वा सागरानपि ।
श्रोत्राभ्यां वाथ नेत्राभ्यां मनसा वाथ निश्चितान् ॥
आलिखेत किट्टिलेखिन्या सुमुहूर्ते सुलग्नके ।
स्वस्थचित्तः सुखासीनः स्मृत्वा स्मृत्वा पुनःपुनः ॥
चित्राभासं पुनस्तेषामेकमागं समाश्रयेत् ।
बहिरन्तश्च सर्वेषां यन्न युञ्जीत सर्वतः ॥
सुमङ्गलकथोपोतं मन्त्रमूर्त्यादिसंयुतम् ।
सङ्ग्रामं मरणं दुःखं देवासुरकथास्त्वपि ॥
नग्नं तपस्विलीलां च न कुर्यान्मानुषालये ।
भित्त्यादौ तत्र लेख्यं स्याच्चित्रं चित्रतराकृति ॥
स्वागमाखिलवेदादिपुराणोक्तकथान्वितम् ।
नानावर्णान्वितं रम्यं न न्यूनं नाधिकं क्वचित् ॥
तत्तत्तत्रोचिताकाररसभावक्रियान्वितम् ।
चित्रं विचित्रफलदं भर्तुः कर्तुश्च सर्वदा ॥
अतोऽन्यदशुभं चित्रं विपरीतफलप्रदम् ।
न लेखयेत् तन्न लिखेल्लोकद्वयसुखेच्छया ॥
तस्याङ्गान्यभिधीयन्ते तेन सर्वाणि विस्तरात् ।
वर्तिका प्रथमं तेषां द्वितीयं भूमिबन्धनम् ॥
लेख्यं तृतीयं स्याद् रेखाकर्माणि …………।
पञ्चमं वर्णकर्म स्यात् षष्ठं स्याद् वर्तनाक्रमः ॥
सप्तमं ………………… तथ्राष्टमम् ।
इदानीं वर्तिकालक्ष्म भूमिबन्धश्च कथ्यते ।
गुल्मान्तरे शुभे क्षेत्रे पद्मिन्यां सरितस्तटे ॥
पार्वतानां च कक्षेषु वापिकाकाननान्तरे ।
भौमा लवणपिण्डाः स्युर्मूलेषु च महीरुहाम् ॥
क्षेत्रेष्वेतेषु या जाताः स्थिराः श्लक्ष्णाश्च पाण्डराः ।
ग्राह्या (मृद्भावसास्वेषा?) विज्ञेया क (र?टु) शर्करा ॥
क्षेत्राणामानुपूव्येण मृत्तिका कथिता शुभा ।
पेषयेत् कुट्टयित्वा तां ततः कल्कं समाचरेत् ॥
शालिभक्तस्य दातव्यस्तत्र भागो यथोदितः ।
ग्रीष्मतौ सप्तमं भागं शीतकाले च पञ्चमम् ॥
षष्ठं शरदि वर्षासु चतुर्थं भागमानयेत् ।
वर्तिकाबन्धनाथाय दाढर्घमायान्ति तेन ताः ॥
(अग्रायाशालिवक्त्राभा यवं यव्यं सुखगृहम् ।
कुर्कुटाराग्रसदृशीं ?) कर्मभागविकल्पतः ॥
शिक्षाकालेऽङ्गुलद्वन्द्वं प्रमाणेन विधीयते ।
कुथरेखासु शस्यन्ते वर्तिकाः त्र्यङ्गुलोन्मिताः ॥
पट्टरेखासु कुर्वीत मानेन चतुरङ्गुलाः ।