A History of Hindu Chemistry from the Earliest Times to the Middle of the Sixteenth Century A.D. v2.c35.s2.10

v2.c35.s2.10

श्रीसर्वज्ञ उवाच । शृणु त्वं काकचामुंडे साधकानां हितं प्रिये । गुह्याद्गुह्यतरं वाक्यं पृष्टोहं तु वरानने ॥ १२ ॥ कथयामि समासेन शृणु त्वं काकचंडिके¹ । यस्यार्थश्च परो नित्यः अनादिनिधनेश्वरः ॥ १३ ॥ सुरूपो निर्गुणः शांतो विश्वव्यापी परात्परः । अनादिकर्मसंबंधः कायस्थो भवते तु सः ॥ १४ ॥ जीवे व्याधिभयं कर्म अज्ञानात् संप्रकीर्त्तितम् । तस्मात् कर्मभवात् क्लिष्टः संसारे संसरेत्तु सः ॥ १५ ॥ करोति² विविधं कर्म संसारे काममोहितः । द्रव्योपायं न जानाति कामभोगार्थहेतुना ॥ १६ ॥ काय³क्लेशेन मानव्यो द्रव्योपायं करोति सः । कृषिवाणिज्यसेवायां मेषाविक्रयविक्रये ॥ १७ ॥