History of Chemistry in Ancient and Medieval India, Incorporating the History of Hindu Chemistry by Acharya Prafulla Chandra Ray c43.s2.2

c43.s2.2

रसोपरसलोहानि वसनं काञ्जिकं विड़म् ।
धमनी लोहयन्त्राणि खल्लपाषाणमर्दकम् ॥
कोष्ठिका वकनालञ्च गोमयं सारमिन्धनम् ।¹
मृन्मयानि च यन्त्राणि मुसलोलूखलानि च ॥
संड़सीतन्त्रसंदंशं मृत्पात्राण्यःकरोटकम् ।²
प्रतिमानानि च तुला छेदनानि कषोत्पलम्³ ॥
वंशनाली लोहनाली मूषामार्गास्तथौषधी ।
स्नेहाम्ललवणक्षारविषाण्युपविषाणि च ॥
एवं संगृह्य सम्भारं कर्मयोगं समाचरेत् ॥
द्रवद्रव्येण भाण्डस्य पूरितार्द्धोदरस्य च⁴ ।
मुखे तिर्यक्कते भाण्डे रसं सूत्रेण लम्बितम् ।
तं स्वेदयेत्तत्र गतं डोलायन्त्रमिति स्मृतम् ॥
लोहमूषाद्वयंङ्कत्वा द्वादशाङ्गुलमानतः ।
ईषच्छिद्रां छिद्रमितामेकां गन्धकसंयुताम् ॥⁵