History of Chemistry in Ancient and Medieval India, Incorporating the History of Hindu Chemistry by Acharya Prafulla Chandra Ray c47.17

c47.17

पलार्धशुद्धसस्येन भृष्टगुञ्जारसेन च ।
विमर्द्य काञ्जिके कुर्यात् मरिचप्रमितां गुटोम्¹ ॥
निरुध्य वज्रमूषायां सन्धिवन्धं विधाय च ।
शुषिरैर्नवभिः² सम्यग्भस्त्राभ्यां च धमेत् खलु ॥
ततो मूषागतं सत्त्वं समादाय समन्ततः ।
धमेत् प्रकटनूषायां वङ्गनालेन शुद्धये ॥
दशशाणं हि तत्सत्त्वं भस्मना लवणेन च ।
सकाञ्जिकेन संवेष्ट्य पुटयोगेन शोधयेत् ॥
द्विनिष्कप्रमिते तस्मिन् पूर्व्वप्रोक्तेन भस्मना ।
अशीतिगुणितं नागं ध्वात्वा निर्वाहयेत् खलु ॥
इयतां³ पूर्व्वसूतोऽसौ जीयते न कथञ्चन ।
चपलोऽयं समुद्दिष्टो लोकनाथेन शम्भुना ॥
अनेनापि रसः शीघ्रं बध्यते पूर्व्ववत् खलु ।
कारवल्लीजटाचूर्णैर्दशधा पुटितो हि सः ।
भवेन्नागविनिर्मुक्तो ग्रासं गृह्णात्यशेषतः ॥
सुखं प्रकटनूषायां भवेच्च विगुणोत्तरम्⁴ ।
जीर्णग्रासो रसोह्येष देहलोहकरो भवेत् ॥
सोऽयं श्रीसोमदेवेन कथितोऽतीव निश्चितम् ॥
भूभुजङ्गभक्षत्तोयैः⁵ प्रक्षाल्यापहृतं⁶ रजः ।
कृष्णवर्णं हि तत् प्रोक्तं धौताख्यं⁷ रसवादिभिः ॥