History of Chemistry in Ancient and Medieval India, Incorporating the History of Hindu Chemistry by Acharya Prafulla Chandra Ray c47.9

c47.9

त्रिंशत्पलमितं नागं भानुदुग्धेन मर्दितम्।
विमर्द्य पुटयेत्तावत् यावत् कर्षोवशेषितम् ॥
न तत् पुटसहस्रेण क्षयमायाति सर्व्वथा¹।
चपलोऽयं समुद्दिष्टो वार्त्तिकैर्नागसम्भवः² ॥
इत्थं हि चपलः³ कार्य्यो वङ्गस्यापि न संशयः।
तत्स्पृष्टहस्तसंसृष्टः केवलो बध्यते रसः ॥
स रसो धातुवादेषु शस्यते न रसायने⁴।
अयं हि खर्पराख्येन⁵ लोकनाथेन कीर्त्तितः ॥
भ्रामकाख्य रजः सूक्ष्मं पञ्चमांशरसन्वितम्।
कुमारीमूलतोयेन मर्दयेदेकवासरम् ॥
चाङ्गेरीस्वरसेनापि दिनमेकमनारतम्⁶।
एवं भूनागघातेन मर्दयेद्दिवसद्वयम् ॥
अथैकपलमानेन तावता वपुषापि च।
दशनिष्करसेन्द्रेण श्लक्ष्णापिष्टीं समाचरेत् ॥
योजयित्वाथ कल्केन यथापूर्व्वं विमर्दयेत्।
ततः साररसेन्द्रेण सत्त्वेन रसकस्य च।
पिष्टीं कृत्वा तु पूर्व्वेण पूर्व्वकल्केन योजयेत् ॥
अथ प्रक्षाल्य कोष्णेन⁷ काञ्जिकेन प्रशोषयेत्।