History of Chemistry in Ancient and Medieval India, Incorporating the History of Hindu Chemistry by Acharya Prafulla Chandra Ray c48.s1.24

c48.s1.24

स्वर्णमाक्षिकं संस्वेद्य काञ्जिके दिवसत्रयम् ।
चर्मरंग्या(गा)रसेनैव मर्दयेद्दिनसप्तकम् ।
जलेन धौतं तावच्च यावद्धेमनिभं भवेत् ॥
दरदं रसदेशौर्यं¹ गोमूत्रेणैव स्वेदयेत् ।
दोलायन्त्रेऽह्नि² चत्वारि पश्चाच्छुद्धतमो भवेत् ॥
मनःशिला पद्मनिभा रक्ता चैव सुशोभना ।
स्वेदिता मुनिपुष्पस्य रसेनैव तु दोलया ।
याममर्द्धमिता शुद्धा सर्व्वकार्येषु योजयेत् ॥
नवसारस्तथा सूतः शोधितोऽग्निमति स्थले ।
समभागानि सर्व्वाणि मर्दयेन्निम्बुकारसैः ॥
मातुलुङ्गरसेनैव कुमारीसुरसेन वा ।
सूर्यांतपे विमर्द्दोऽसौ पाचितो जलयन्त्रके ।
दिनानि त्रीणि तीव्राग्नौ कुर्य्यात्तदवतारयेत् ॥
शतांशं वेधयेत्तारं शुद्धहेम प्रजायते ।
जलभेदो यदा न स्यान्नात्र कार्या विचारणा ॥
शिलया मारितं नागं कुमार्य्याः स्वरसेन तु ।
पुटद्वादशयोगेन नागभस्म प्रजायते ॥
शतसंख्यानि वै कुर्य्यात् पुटान्‍येवं शरावके ।
कुमार्य्याः स्वरसेनैव भावयेद्दिनसप्तकम् ।
पूर्व्ववत् पुटनं कार्य्यं शतसंख्यामितं तथा ।
सूतगन्धशिलाटङ्कसमं चेन्नागभस्मकम् ।
त्रिंशदनोपलैर्दद्यात् पुटं वाराहसंज्ञकम् ॥
अनेन विधिना सम्यक् शतसंख्यानि दापयेत् ।
पुटान्‍येवं कृते त्रीणि शतानि द्वादशाधिकम् ॥