History of Chemistry in Ancient and Medieval India, Incorporating the History of Hindu Chemistry by Acharya Prafulla Chandra Ray c60.s1.1

c60.s1.1

कथ्यते सोमदेवेन मुग्धवैद्यप्रवृद्धये ।
परिभाषा रसेन्द्रस्य शास्त्रैः सिद्धैश्च भाषिता ॥ 1.
अर्द्धं सिद्धरसस्य तैलघृतयोर्लोहस्य भागोऽष्टमः
संसिद्धाखिललोहचूर्णवटकादीनां तथा सप्तमः ।
यो दीयेत भिषग्वराय गदिभिर्निर्दिश्य धन्वन्तरिं
सर्व्वारोग्यसुखाप्तये निगदितो भागः स धन्वन्तरेः ॥ 2.
धातुभिर्गन्धकाद्यैश्च निर्द्रवैर्म्मर्दितो रसः
सुश्लक्ष्णः कज्जलाभोऽसौ कज्जलीत्यभिधीयते ॥
सद्रवा मर्दिता सैव रसपङ्क इति स्मृतः ॥ 5-6.
मृतं तरति यत्तोये लोहं वारितरं हि तत् ।
अङ्गुष्ठतर्ज्जनीघृष्टं यत्तदरेखान्तरं¹ विशेत् ॥
मृत लोहं तदुद्दिष्टं रेखापूर्णाभिधानतः ॥