Rasacandrika p62

p62

ayaṃ kaṇṭhe bāhuḥ śiśiramasṛṇo mauktikasaraḥ kimasyā na preyo yadi paramasahāstu virahaḥ || anekaviṣayakatulyānurāgavān dakṣiṇaḥ | yathā-snātā tiṣṭhati kośalādhipasutā vāro'ṅgarājasvasudyūte rātririyaṃ jitā kamalayā devī prasādyādya ca | ityantaḥpurasundarīḥ prati mayā vijñāya vijñāpite devenāpratipattimūḍhamanasā dvitrāḥ sthitaṃ nāḍikāḥ || svatiraskārayuktalajjāśūnyatve satyanurakto dhṛṣṭaḥ | yathā-(1)kedāva kiā ahavā karosi kāesi suhaa edāhiṃ | avarāhā ṇaa lajjiasāhasuttaā khamijjantu || ratikapaṭaśīlaḥ śaṭhaḥ | yathākānte sāgāsa śāyite priyasakhīveṣaṃ vidhāyāgate bhrāntyāliṅgya mayā rahasyamuditaṃ tatsaṅgamākāṅkṣayā | mugdhe ! duṣkarametadityatitarāmunmuktahāsaṃ balādāliṅgya cchalitāsmi tena kitavenādya pradoṣāgame || ete bhedā upapaterapi bodhyāḥ| caturādibhedā api muninoktāḥ | punareva tu puruṣaguṇān kāmitatantre pravakṣyāmi | caturottamau ca madhyastathādhamaḥ sampravṛttakaścaiva || strīṇāṃ prayogaviṣaye jñeyāḥ puruṣāstvime pañca | duḥkhakleśasahiṣṇuḥ priyavāgdātā prapādane kuśalaḥ