Rasacandrika p63

p63

ratyupacāranipuṇo dakṣaścaturastvasau bodhyaḥ | yo vipriyaṃ na kurute dhīrodāttaḥ priyaṃvado mānī || ajñātahṛdayatattvaḥ smṛtimātrajñeyaḥ sa tu jyeṣṭhaḥ | sarvārthe madhyastho bhāvagrahaṇaṃ karoti nārīṇām || kiñciddoṣaṃ dṛṣṭvā virajyate madhyamaḥ puruṣaḥ | kāle dātāhyapamānito'pi na krodhamatitarāmeti || dṛṣṭvā vyalīkamātraṃ virajyate madhyamo'yamapi | apamānito'pi nāryā nirlajjaṃ samupasarpati tathaiva || anyanare saṅkrāntāmārūḍhasnehabhāvanayā | abhinavakṛte vyalīke pratyakṣaṃ rajyate dṛḍhataraṃ yaḥ || suhṛdāpi vāryyamāṇo vijñeyaḥ so'dhamo nāma | avigaṇitabhayāmarṣo mūrkhaḥ satataṃ prasaktahāsaśca || ekāntadṛḍhagrāhī nirlajjaḥ kāmatantreṣu | ratikalahasaṃgrahāre sukarkaśaḥ krīḍanīyakaḥ strīṇām | evaṃvidho vidhijñaiḥ pravṛttako nāma vijñeyaḥ || ihādyantayordvitīyacaturthāntarbhāvāduttamamadhyamādhameti traividhyameva puraskṛtamabhiyuktaiḥ | utttamo yathā— tacchramastamadidīkṣata kṣaṇaṃ tālavṛntacalanāya nāyakam | tadvidhā hi bhavadaivataṃ priyā vedhaso'pi vidadhāti cāpalam || madhyamo yathā— (1) lajjāvidā sīlaṃa khaṇḍiaṃ asaīghosaṇā diṇṇā | jassa kae ṇaṃ sahaari ! sajevva jaṇo ajaṇo jāo