Rasakalika 2.71

2.71

yathā-³śithilaśithilaṃ nyasya svīyaṃ dhanuḥśikhare śiro
nayanasalilaiḥ kurvan maurvīlatāmaparāmiva
ahaha viralaṃ śrutvā śrutvā ghanastanitadhvaniṃ
kimapi kimapi dhyāyan dhyāyan na yāti na
tiṣṭhati || (61)
atha dhṛtiḥ
dhṛtiścittasya naispṛhyaṃ jñānābhīṣṭāgamādibhiḥ ||†
tatra jñānād yathā-vayamiha parituṣṭā valkalaistvaṃ dukūlaiḥ
sama iha paritoṣo nirviśeṣo viśeṣaḥ
sa tu bhavatu daridro yasya tṛṣṇā viśālā
manasi ca parituṣṭe ko'rthavān ko daridraḥ || (62)
iṣṭābhigamād yathā-pādāsta eva śaśinaḥ sukhayanti gātraṃ
bāṇāsta eva madanasya mano'nukūlāḥ
saṃrambharūkṣamiva sundari yadyadāsīt
tvatsaṅgamena mama tattadihopanītam || (63)
atha harṣaḥ
prasaktirutsavādibhyo harṣāśrusvedagadgadāḥ