Lingadisangraha / Trikanda 6.1-2.1

6.1-2.1

Place
caṣako 'strī pānapātraṃ, sarako 'pyanutarpaṇam
44 dhūrto 'kṣadevī kitavo 'kṣadhūrto dyūtakṛt samāḥ
syur lagnnakāḥ pratibhuvaḥ, sabhikā dyūtakārakāḥ
45 dyūto 'striyāmakṣavatī kaitavaṃ paṇa ityapi
paṇo'kṣeṣu glaho, 'kṣās tu devanāḥ pāśakāś ca te
46 pariṇāyas tu śārīṇāṃ samantāt nayane'striyām
aṣṭāpadaṃ śāriphalaṃ, prāṇivṛttaṃ samāhvayaḥ
47 uktā bhūri-prayogatvādekasmin ye 'tra yaugikāḥ,
tāddharmyādanyato vṛttāvūhyā liṅgā'ntare 'pi te
1 viśeṣya-nighnaiḥ saṃkīrṇair nānārthairavyayairapi
liṅgā''di-saṃgrahair vargāḥ sāmānye varga-saṃśrayāḥ
2 strī-dārā''dyair yad viśeṣyaṃ yādṛśaiḥ prastutaṃ padaiḥ
guṇa-dravya-kriyā-śabdās tathā syus tasya bhedakāḥ
3 sukṛtī puṇyavān dhanyo, mahecchas tu mahāśayaḥ
hṛdayāluḥ suhṛdayo, mahotsāho mahodyamaḥ
4 pravīṇe nipuṇā'bhijña-vijña-niṣṇāta-śikṣitāḥ
vaijñānikaḥ kṛtamukhaḥ kṛtī kuśala ityapi
5 pūjyaḥ pratīkṣyaḥ, sāṃ Shayikah saṃśayāpannamānasaḥ
dakṣiṇīyo dakṣiṇārhas tatra dākṣiṇya ityapi
6 syur vadānya-sthūlalakṣya-dānaśauṇḍā bahuprade
jaivātṛkaḥ syādāyuṣmānantarvāṇis tu śāstravit
7 parīkṣakaḥ kāraṇiko, varadas tu samarddhakaḥ
harṣamāṇo vikurvāṇaḥ pramanā hṛṣṭamānasaḥ
8 durmanā vimanā antarmanāḥ, syādutka unmanāḥ
dakṣiṇe saralodārau, sukalo dātṛbhoktari
9 tatpare prasitā''saktāviṣṭāthòdyukta utsukaḥ
pratīte prathita-khyāta-vitta-vijñāta-viśrutāḥ
10 guṇaiḥ pratīte tu kṛtalakṣaṇā''hṛtalakṣaṇau
ibhya āḍhyo dhanī, svāmī tvīśvaraḥ patirīśitā
11 adhibhūr nāyako netā prabhuḥ parivṛḍho 'dhipaḥ
adhikardhiḥ samṛddhaḥ syāt, kuṭumbavyāpṛtas tu yaḥ