Shabdatarangini p263
Śabdataraṅgiṇī p263
- Language
- Sanskrit
p263
tathaivāsmābhirapi tadviṣayakatvāvacchinnabodhaniṣṭhajanyatānirūpitajanatāprakārakecchāviṣayatvameva tadvācakatvaṃ , tatpadajanyatāvacchedakaviṣayatvaprakāratānirūpitabhagavadicchāviśeṣyatvameva tatpadavācyatvamiti svīkriyate .
yadyapi anvayaviṣayakaṃ padārthabodhaṃ janayati padaṃ , tathāpi anvayaviṣayakatvaṃ na padājanyatāvacchedakaṃ gauravāt , tasya cākāṃkṣājñānakāryatāyāmevāvacchedakatvāt .
taduktaṃ maṇau......" ghaṭajñānatvaṃ śakyatāvacchedakaṃ natvanvitaghaṭajñānatvaṃ gauravādanyalabhyatvācca" iti .
atra śakyatāvacchedakatvasya bādhāt sanmātragrāhiṇī bhagavadicchā na bādhitaṃ ghaṭapadajanyatāvacchedakatvamavagāhate iti ghaṭapadajanyatāvacchedakaviṣayatvaprakāratānirūpitabhagavadicchāviśeṣyatāyā anvaye virahānnānvayasya ghaṭādipadavācyatvāpattiḥ .