Shabdatarangini p264

p264

vastutastu , tīraṃ bodhaviṣayo bhavatu bodhaḥ gaṅgāpadajanyo bhavatu ityākārakatve'pi bhagavadicchāyāḥ sanmātraviṣayakatvopapatteḥ gaṅgāpadajanyabodhaviṣayatātvāvacchinnaprakāratānirūpitabhagavadicchāviśeṣyatāyāḥ tīre'sattvādyathā tīrasya gaṅgāpadavācyatvābhāvaḥ , tathā , anvayaḥ bodhaviṣayo bhavatu, bodhaḥ ghaṭādipadajanyo bhavatu ityākārikāyā eveśvarecchāyāḥ svīkāreṇa tāvataiva tasyāḥ sanmātragrahitvopapatteḥ ghaṭādipadajanyabodhaviṣayatātvena tādṛśabodhaviṣayatāyāḥ anvayāṃśe bhagavadicchayā navagāhanāt ghaṭādipadajanyabodhaviṣayatātvāvacchinnaprakāratānirūpitabhagavadicchā viśeṣyatāyāḥ anvaye virahānna tasya ghaṭādipadavācyateti bodhyam ..
tadayaṃ nirgalito'rthaḥ ...........vākyārthāvagamatātparyeṇa prayuktāni padāni svārtha smaraṇadvārā anvayabodhaṃ janayanti .
ye tu vādinaḥ padāni padārthapratipādanāvasitavyāpārāṇi iti vadanti, tairapi " pāke jvālevakāṣṭhānāṃ padārthapratipādanam "iti vadadbhiḥ bhaṅgyantareṇa padānāṃṃ vākyārthānubhavakāraṇatā svīkṛtaiva .
padārthapratipādanasya vyāpāratvamabhyupagamyānvayasya śābdatvaṃ nirvyūḍhaṃ taiḥ .
padārthajñānasyāvāntaravyāpāratvoktireva vākyārthāvagamaṃ śabdajanyamaṅgīkārayati .