Shabdatarangini p342

p342

evaṃ nānārthakasthala iva ghaṭādipadaprayoge'pi tātparyarajñānadevārthaviśeṣaviṣayakaḥ śābdabodhaḥ iti sarvatra tātparyarajñānakalpane gauravamapi .
kiñca śakyārthaḥ lakṣyārthaḥ ityasaṃkīrṇavyavahāraḥ sarvatāntrikāṇām .
tādṛśavyavahārānyathānupapattyā ca lakṣyārthavyāvṛttaiva śaktirvācyā .
evañca gaṅgāpadāt tīropasthitaye lakṣaṇāvṛttirapyaṅgīkaraṇīyā anyathā tīrabodhakatvasya gaṅgāpade sattvāt gaṅgāpadaṃ tīravācakamiti prāmāṇikavyavahārāpattiḥ..
yadapi , lakṣaṇāṅgīkāre śābdabodhe śaktijñānajanyopasthititveneva lakṣaṇājanyopasthititvenāpi kāryakāraṇabhāvakalpanena parasparaṃ vyabhicāravāraṇāya kāryatāvacchedakakoṭau tattadavyavahitottaratvaniveśena anantakāryakāraṇabhāvakalpanayā ca gauravamiti..
tadapi na .
padaniṣṭhasya bodhakatvasya śaktirūpatvasaṃbhava eva, lakṣaṇāprayuktakāryakāraṇabhāvādyakalpane lāghavam, lakṣaṇāṅgīkāre ca adhikakāryakāraṇabhāvakalpane gauravamiti vicārasyāvasaraḥ .
bodhakatvañca na śaktiriti vyavasthāpitam .
evañca lakṣaṇāvṛtterapyaṅgīkaraṇīyatayā kāryakāraṇabhāvādikalpanāgauravasya phalamukhatvenādoṣāt .
anyathā śābdabodhākhyapramityantarakalpane taddhvaṃsatatprāgathabhāvādikalpane pādārthopasthityādīnāṃ śābdabodhakāraṇatvakalpane ca gauravāt śābdabodhākhyavilakṣaṇapramitireva na siddhyet .