Shabdakalpadruma 377.p1.4

377.p1.4

samuccāryya bhagavan satyanārāyaṇa ihāgaccha
ihāgaccha iha tiṣṭha iha tiṣṭha mama pūjāṃ gṛhāṇa
ityādinā āvāhya puṣpa gṛhītvā dhyāyet
“dhyāyet satyaṃ guṇātītaṃ guṇatrayasamanvitam
lokanāthaṃ trilokeśaṃ pītāmbaradharaṃ harim
indīvaradalaśyāmaṃ śaṅkhacakragadādharam
nārāyaṇaṃ caturbāhuṃ śrīvatsyapadabhūṣitam
govindaṃ gokulā nandaṃ jagataḥ pitaraṃ gurum ||”
iti dhyātvā etat pādyaṃ satyanārāyaṇāya namaḥ
arghyamantrastu
“muktāśaṅkhasvarūpāya sudhīkaṇamaye namaḥ
mayā nivedito bhaktyā ardhyā'yaṃ pratigṛhyatām |”
ene'rghyaḥ śrīmannārāyaṇāya namaḥ | puṣpāñjaliṃ gṛhītvā
“namaste viśvarūpāya śaṅkhacakradharāya ca
padmanābhāya devāya hṛṣīkapataye namaḥ
namo'nantasvarūpāya viguṇātmavibhāsine ||”
naivedyaṃ gṛhītvā
“tvadīyaṃ vastu govinda tubhyameva samarpitam
gṛhāṇa sumukho bhūtvā prasīda puruṣottama ||”
tataḥ añjaliṃ baddhvā paṭhet
“acyutaṃ puṇḍarīkākṣaṃ nṛsiṃhaṃ daityasūdanam
hṛṣīkeśaṃ jagannāthaṃ vāgīśaṃ varadāyakam
guṇatrayaṃ guṇātītaṃ govindaṃ garur̤adhvajam
janārddanaṃ jagānandaṃ jānakīvallabhaṃ jayam
praṇamāmi sadā satyanārāyaṇamataḥ param
durgame viṣame ghore śatrubhiḥ paripīḍite
vividhairvipataiścaiva tathāmvoṣṇaiśca yadbhayam
nāmānyaitāni saṅkīrttya īpsitaṃ phalamāpnuyāt
satyanārāyaṇaṃ devaṃ vande'haṃ kāmadaṃ śubham
līlayā ca tataṃ viśvaṃ yena tasmai namo namaḥ ||”
tato dakṣiṇāmdadyāt | achidrāvadhāraṇaṃ
kuryyāt | iti satyanārāyaṇapūjāpaddhatiḥ
satyapuraṃ, klī, (satyaṃ puram |) viṣṇulokaḥ | yathā,
“īpsitañca phalaṃ bhuktvā cānte satyapuraṃ vaset