Shabdakalpadruma 377.p1.3

377.p1.3

manaseti viniścitya yayau gopālasannidhim
tato'sau satyadevasya pūjāṃ gopagaṇaiḥ saha
bhaktiśraddhānvito bhūtvā cakāra vidhivannṛpaḥ
satyadevaprasādena dhanaputrānvito'bhavat
iha loke sukhaṃ bhuktā cānte viṣṇupūraṃ yayau
ya idaṃ kurute satyavrataṃ paramadurlabham
śṛṇoti ca kathāṃ puṇyāṃ bhaktisaktiphalapradām
dhanadhānyādikaṃ tasya bhavet satyaprasādataḥ
daridro labhate vittaṃ baddho mucyeta bandhanāt
bhīto bhayāt pramucyeta satyametanna saṃśayaḥ
īpsitañca phalaṃ bhuktā cānte satyapuraṃ vrajet
iti vaḥ kathitaṃ viprāḥ satyanārāyaṇavratam
yat kṛtvā sarvvaduḥkhebhyo mukto bhavati mānavaḥ
viśeṣataḥ kaliyuge satyapūjākathāphalam
satyanārāyaṇaṃ kecit satyadevaṃ tathāpare
nānārūpadharo bhūtvā sarvvabābhīṣṭitapradaḥ
bhaviṣyati kalau satyavratarūpo sanātanaḥ
ya idaṃ paṭhate nityaṃ śṛṇoti suvicakṣaṇaḥ
tasya naśyanti pāpāni satyadevaprasādataḥ ||”
iti śrīskandapurāṇe revākhaṇḍe satyanārāyaṇakathānāma 4 adhyāyaḥ || || iti śrīmannārāyaṇavratakathā samāptā || kvacit pustake adhyāyanāma
nāsti | kvacicca bhaviṣyapurāṇe iti jñātvā
etatkathā likhitā || || atha satyanārāyaṇapūjāpaddhatiḥ | ādau svastivācanapūrvakaṃ saṅkalpaṃ
kuryyāt | adoṣe'hi asukatithau rātrau
amukagotraḥ śrīamukadevaśarmmā amukakāmaḥ
gaṇeśādidevatāpūjāpuraḥka śrīmattanārāyaṇapūjanaṃ
kathāśravaṇañca kariṣye | tataḥ sūktaṃ paṭhet
tata āsanaśuddhyādikaṃ kṛtvā gaṇeśādidevatānavagrahadikpālān pūjayet | lakṣmīrasarasvatyādipuruṣānādipuruṣaśrīrāmalakṣmaṇapūjāṃ kṛtvā yavatilaiḥ satyanārāyaṇamāvāhayet | praṇavavyāhṛtīḥ