Shabdakalpadruma 774.p1.13

774.p1.13

yanmaṇḍalaṃ gūḍhamatiprabodhaṃ
dharmmasya vṛddhiṃ kurute janānām
tat sarvvapāpakṣayakāraṇañca
punātu māṃ tatsaviturvareṇyam
yanmaṇḍalaṃ vyādhivināśadakṣaṃ
ṛgyajuḥsāmasu sampragītam
prakāśitaṃ yena ca bhūrbhuvaḥ svaḥ
punātu māṃ tatsaviturvareṇyam
yanmaṇḍalaṃ vedavido vadanti
gāyanti yaccāraṇasiddhasaṅghāḥ
yadyogino yogajuṣāñca saṅgāḥ
punātu māṃ tatsaviturvareṇyam
yanmaṇḍalaṃ sarvvajaneṣu pūjitaṃ
jyotiśca kuryyādiha martyaloke
yatkālakālādimanādirūpaṃ
punātu māṃ tatsaviturvareṇyam
yanmaṇḍalaṃ viṣṇacaturmukhākhyaṃ
yadakṣaraṃ pāpaharaṃ janānām
yatkālakalpakṣayakāraṇañca
punātu māṃ tatsaviturvareṇyam
yanmaṇḍalaṃ viśvasṛjaṃ prasiddhamutpattirakṣāpralayapragalbham
yasmin jagat saṃharate'khilañca
punātu māṃ tatsaviturvareṇyam
yanmaṇḍalaṃ sarvvagatasya viṣṇorātmā paraṃ dhāma viśuddhatattvam
sūkṣmāntarairyogapathānugamyaṃ
punātu māṃ tatsaviturvareṇyam
yanmaṇḍalaṃ brahmavido vadanti
gāyanti yaccāraṇasiddhasaṅghāḥ
yanmaṇḍalaṃ vedavidaḥ smaranti
punātu māṃ tatsaviturvareṇyam
yanmaṇḍalaṃ vedavidopagītaṃ
yadyogināṃ yogapathānugamyam
tat sarvvavedaṃ praṇamāmi sūryyaṃ
punātu māṃ tatsaviturvareṇyam
maṅgalāṣṭamidaṃ puṇyaṃ yaḥ paṭhet satataṃ naraḥ
sarvvapāpavimuktātmā sūryyaloke mahīyate
dhyeyaḥ sadā savitṛmaṇḍalamadhyavartī
nārāyaṇaḥ sarasijāsanasanniviṣṭaḥ
keyūravān makarakuṇḍalavān kirīṭī
hārī hiraṇmayavapuṣṭ‌taśaṅkhacakraḥ
saśaṅkhacakraṃ ravimaṇḍale sthitaṃ
kuśeśayākrāntamanantamacyutam
bhajāmi buddhā tapanīyamūrttiṃ
surottamaṃ citravibhūṣaṇojjvalam
evaṃ brahmādayo devā ṛṣayaśca tapodhanāḥ