Shabdakalpadruma 774.p1.14

774.p1.14

kīrttayanti suraśreṣṭhaṃ devaṃ nārāyaṇaṃ vibhum
vedavedāṅgaśārīraṃ divyadosikaraṃ param
raktoṣṭhaṃ raktavarṇañca sṛṣṭisaṃhārakārakam
ekacakro ratho yasya divyaḥ kanakabhūṣitaḥ
sa me bhavatu suprītaḥ padmahasto divākaraḥ
ādityaḥ prathamaṃ nāma dvitīyantu divākaraḥ
tṛtīyaṃ bhāskaraḥ proktaṃ caturthantu prabhākaraḥ
pañcamantu sahasrāṃśuḥ ṣaṣṭhañcaiva trilocanaḥ
saptamaṃ haridaśvaśca aṣṭamañca vibhāvasuḥ
navamaṃ dinakṛt proktaṃ daśamaṃ dvādaśātmakaḥ
ekādaśaṃ trayomūrttirdvādaśaṃ sūryya eva ca
dvādaśādityanāmāni prātaḥkāle paṭhennaraḥ
duḥkhapraṇāśanañcaiva sarvvaduḥkhañca naśyati
dadrukuṣṭhaharañcaiva dāridryaṃ harate dhruvam
sarvvatīrthapradañcaiva sarvvakāmapravarddhanam
yaḥ paṭhet prātarutthāya bhaktyā nityamidaṃ naraḥ
saukhyamāyustathārogyaṃ labhate mokṣameva ca
padmimīle namastubhyamiṣelorjesvarūpiṇe
śambha pāyādhi vītastvaṃ namaste jyotiṣāṃ pate
yaśodevo namastubhyaṃ jagaccakṣurnamo'stu te
padmamāyopavedāya namastubhyaṃ namo namaḥ
padmāsanaḥ padmakaraḥ padmagarbhasamadyutiḥ
saptāśvarathasaṃyukto dvibhujaḥ syāt sadā raviḥ
ādityasya namaskāraṃ ye kurvvanti dine dine
janmāntarasahasreṣu dāridryaṃ nopajāyate
udayagirisupetaṃ bhāskaraṃ padmahastaṃ
nikhilabhuvananetraṃ bhaktarakṣopameyam
timirakarimṛgendraṃ bodhakaṃ padminīnāṃ
suravaramabhivande sundaraṃ viśvavandyam ||”
iti bhaviṣyottarapurāṇe śrīkṛṣṇārjunasaṃvāde
ādityahṛdayastotraṃ saṃpūrṇam || || )
“tato bhāskarabījena saṅgitenāmunā punaḥ
mantreṇa bhāskarāyārghyamacchidrārthaṃ nivedayet