Vacaspatya 32.56.3

32.56.3

tatra rāmeṇa rājendra ! tarasā dīptatejasā| kṣattramutsādya
vīreṇa hradāḥ pañca niveditāḥ | pūrayitvā naravyāghra !
rudhireṇeti viśrutam | pitarastarpitāḥ sarve tathaiva prapitāmahāḥ tataste pitaraḥ prītā rāmamūcurnarādhipa !
pitara ūcuḥ| rāma ! rāma ! mahābhāga ! prītāḥ sma tava
bhārgava ! | anayā pitṛbhaktyā ca vikrameṇa ca te prabho !
varaṃ vṛṇīṣva bhadraṃ te kimicchasi mahādyute | evamuktaḥ sa
rājendra ! rāmaḥ praharatāṃ varaḥ | abravīt prāñjalirvākyaṃ
pitṝn kha gaganesthitān | bhavanto yadi me prītā yadyanugrāhyatā mayi | pitṛprasādādiccheyaṃ tapa āpyāyanaṃ
punaḥ | yacca roṣābhibhūtena kṣattramutsāhitaṃ mayā | tataśca
pāpānmucyeyaṃ yuṣmākaṃ tejasāpyaham | hradāśca tīrthībhūtā
me bhaveyurbhuvi viśrutāḥ | etacchrutvā śubhaṃ vākyaṃ rāmasya
pitarastadā | pratyūcuḥ paramaprītā rāmaṃ harṣasamanvitāḥ
tapaste varddhatāṃ bhūyaḥ pitṛbhaktyā viśeṣataḥ | yacca roṣābhibhūtena kṣattramutsā' dataṃ tvayā | tataśca pāpānmuktāstvaṃ
nihatāste svakarmabhiḥ | hradāśca tava tīrthatvaṃ gamiṣyanti
na saṃśayaḥ | hradeṣveteṣu yaḥ snātvā pitṝn sandarbhayiṣyati
pitarastasya vai prītā dāsyanti bhuvi durlabham | īpsitañca
manaḥkāmaṃ svargalokañca śāśvatam | evaṃ dattvā varātrājan !
rāmasya pitarastadā | āmantrya bhārgavaṃ prītyā tatraivāntarhitāstataḥ | evaṃ rāmahradāḥ puṇyā bhārgavasya mahātmanaḥ
snātvā hradeṣu rāmasya brahmacārī śubhravataḥ | rāmamabhyarcya
rājendra ! labhedvahu suvarṇakam | vaṃśamūlakasamāsādya tīrthasevī kurūdvaha ! | svavaṃśamuddharedrājan ! snātvā vai vaṃśamūlake