Pramāṇa · Search · About · API

Vandyaghatiya 10: atha vārivargaḥ

Vandyaghaṭīyā 10

Language
Sanskrit

Contents

atha vārivargaḥ

10.1

samudro'ndhirakūpāraḥ pārāvāraḥ saritpatiḥ
udanvānudadhiḥ sindhuḥ sarasvān sāgaro'rṇavaḥ

10.2

ratnākaro jalanidhiryādaḥpatirapāṃpatiḥ
tasya prabhedāḥ kṣīrodo lavaṇodastathāpare

10.3

āpaḥ strī bhūmni vārvāri salilaṃ kamalaṃ jalam
payaḥ kīlālamamṛtaṃ jīvanaṃ bhuvanaṃ vanam

10.4

kabanghamudakaṃ pāthaḥ puṣkaraṃ sarvatomukham
ambho'rṇastoyapānīyanīrakṣīrāmbuśambaram

10.5

meghapuṣpaṃ ghanarasaḥ
triṣu dve āpyamammayam
bhaṅgastaraṅga ūrmirvā striyāṃ vīciḥ
“pulliṅgastrīliṅgā marīcimaṇiyaṣṭimuṣṭayo nyāsaḥ(?)
truṭi(ma ? ra)pi pāṭaliśā(llu ? lma) litaraṇiśreṇyūrmayo vastiḥ ||”
athormiṣu

10.6

mahatsūllolakallolau
syādāvarto'mbhasāṃ bhramaḥ
pṛṣanti binduṣpṛṣatāḥ pumāṃso vipruṣaḥ striyaḥ

10.7

vakrāṇi puṭabhedāḥ syuḥ
bhramāśca jalanirgamāḥ
kūlaṃ rodhaśca tīraṃ ca pratīraṃ ca taṭaṃ triṣu

10.8

pārāvāre parārvācī tīre
pātraṃ tadantaram
dvīpo'striyāmantarīpaṃ yadantarvāriṇastaṭam

10.9

toyotthitaṃ tat pulinaṃ
saikataṃ sikatāmayam
niṣaṅkarastu jambālaḥ paṅko'strī śādakardamau

10.10

jalocchāsāḥ parīvāhāḥ
kūpakāstu vidārakāḥ
nāvyaṃ triliṅgaṃ nautārye
striyāṃ naustaraṇistariḥ

10.11

uḍupe tu plavaḥ kolaḥ
sroto'mbusaraṇaṃ svataḥ
ātastarapaṇyaṃ syād
droṇī kāṣṭhāmbuvāhinī

10.12

sāṃyātrikaḥ potavaṇik
karṇadhārastu nāvikaḥ
niyāmakāḥ potavāhāḥ
kūpako guṇavṛkṣakaḥ

10.13

naukādaṇḍaḥ kṣepaṇī syād
aritraṃ kenipātakaḥ
abhriḥ strī kāṣṭhakuddālaḥ
sekapātraṃ tu secanam

10.14

triṣvāgādhāt
prasanno'cchaḥ
kaluṣo'naccha āvilaḥ
nimnaṃ gabhīraṃ gambhīram
uttānaṃ tadviparyaye

10.14.p1

agādhamatalasparśaṃ
kaivarto dāśadhīvarau

10.14.p2

[ānāyaḥ puṃsi jālaṃ syāt saṇasūtraṃ pavitrakam |]

10.15

matsyadhānī kuveṇī syād
baḍiśaṃ matsyavedhanam

10.16

pṛthuromā jhaṣo matsyo mīno vaisāriṇo'ṇḍajaḥ
visāraḥ śakalī ca
atha gaḍakaḥ śakulārbhakaḥ

10.17

sahasradaṃṣṭraḥ pāṭhīnaḥ
ulūpī śiśukaḥ samau
nalamīnaścilicimaḥ
proṣṭhī tu śapharī dvayoḥ

10.18

kṣudrāṇḍamatsyasaṅghātaḥ potādhānam
atho jhaṣāḥ
rohito madguraḥ śālo rājīvaḥ śakulastimiḥ

10.19

timiṅgilādayaśca
atha yādāṃsi jalajantavaḥ
tadbhedāḥ śiśumāro'tha śaṅkuvo makarādayaḥ

10.20

syāt kulīraḥ karkaṭakaḥ
kūrme kamaṭhakacchapau
grāho'vahāraḥ
nakrastu kumbhīraḥ
atha mahīlatā

10.21

gaṇḍūpadaḥ kiñculukaḥ
nihnākā godhikā same
raktapā tu jalaukāyāṃ striyāṃ bhūmni jalaukasaḥ

10.22

muktāsphoṭaḥ striyāṃ śuktiḥ
“śuktirdurṇāmikāmuktāsphoṭayoruścalakṣaṇa”
śaṅkhaḥ syāt kamburastriyām
kṣudraśaṅkhāḥ śaṅkhanakhāḥ
śambūkā jalaśuktayaḥ

10.23

bheke maṇḍūkavarṣābhūsānūraplavadardarāḥ
śilī gaṇḍūpadī
bhekī varṣābhvī
kamaṭhī ḍuliḥ

10.24

madgurasya priyā śṛṅgī
durmāmā dīrghakoṣikā
jalāśayo jalādhāraḥ
teṣvagādhajalo hradaḥ

10.26

āhāvastu nipānaṃ syādupakūpajalāśaye
puṃsyevāndhuḥ prahiḥ kūpa udapānaṃ tu puṃsi vā

10.26-2

nemistrikāsya
‘‘(trikā) kūpasya nemau strī pṛṣṭhavaṃśādhare trikam’’
vīnāho mukhabandhanamasya yat
puṣkariṇyāṃ tu khātaṃ syād
akhātaṃ devakhātakam

10.27

padmākarastaṭāko'strī
kāsāraḥ sarasī saraḥ
veśantaḥ palvalaṃ cālpasaraḥ
vāpī tu dīrghikā

10.28

kheyaṃ tu parikhā
ādhārastvambhasāṃ yatra dhāraṇam
syādālavālamāvālamāvāpaḥ
atha nadī sarit

10.29

taraṅgiṇī śaivalinī taṭinī hrādinī dhunī
srotasvatī dvīpavatī sravantī nimnagāpagā

10.30

gaṅgā viṣṇupadī jahnutanayā suranimnagā
bhāgirathī tripathagā trisrotā bhīṣmasūrapi

10.31

kālindī sūryatanayā yamunā śamanasvasā
revā tu narmadā somodbhavā mekalakanyakā

10.32

karatoyā sadānīrā
bāhudā saitavāhinī
śatadrustu śitadruḥ syād
vipāśā tu vipāṭ striyām

10.33

śoṇo hiraṇyabāhuḥ syāt
kulyālpā kṛtrimā sarit
śarāvatī vetravatī cāndrabhāgā sarasvatī

10.34

kāverī sarito'nyāśca
saṃbhedaḥ sindhusaṅgamaḥ
dvayoḥ praṇālī payasaḥ padavyāṃ
triṣu tūttarau

10.35

devikāyāṃ sarayvāṃ ca bhave dāvikasāravau
saugandhikaṃ tu kahlāraṃ
hallakaṃ raktasandhyakam

10.36

syādutpalaṃ kuvalayam
atha nīlāmbujanma ca
indīvaraṃ ca nīle'smin
site kumudakairave

10.37

śālūkameṣāṃ kandaḥ syād
vāriparṇī tu kumbhikā
jalanīlī tu śevālaṃ śaivale
atha kumudvatī

10.38

kumudinyāṃ
nalinyāṃ tu bisinīpadminīmukhāḥ
vā puṃsi padmaṃ nalinamaravindaṃ mahotpalam

10.39

sahasrapatraṃ kamalaṃ śatapatraṃ kuśeśayam
paṅkeruhaṃ tāmarasaṃ sārasaṃ sarasīruham

10.40

bisaprasūnarājīvapuṣkarāmbhoruhāṇi ca
puṇḍarīkaṃ sitāmbhojam
atha raktasaroruhe

10.41

raktotpalaṃ kokanadaṃ
nālā nālam
athāstriyām
mṛṇālaṃ bisam
abjādikadambe ṣaṇḍamastriyām

10.42

karahāṭaḥ śiphākandaṃ
kiñjalkaḥ kesaro'striyām
saṃvartikā navadalaṃ
bījakoṣo varāṭakaḥ

10.43

uktaṃ svarvyomadikkāladhīśabdādi sanākhyakam
pātālabhoginarakaṃ vāri caiṣāṃ ca saṅgatam

Linked texts (10)