Dasharupavaloka 4.64

4.64

kopaceṣṭāśca nārīṇāṃ prāgeva pratipāditāḥ
tatra priyavacaḥ sāma yathā mamaiva—
'smitajyotsnāmiste dhavalayati viśvaṃ mukhaśaśī
dṛśaste pīyūṣadravamiva vimuñcanti paritaḥ
vapuste lāvaṇyaṃ kirati madhuraṃ dikṣu tadidaṃ
kutaste pāruṣyaṃ sutanu hṛdayenādya guṇitam ||'
yathā vā—
indīvareṇa nayanaṃ mukhamambujena kundena dantamadharaṃ navapallavena
aṅgāni campakadalaiḥ sa vidhāya vedhāḥ kānte kathaṃ racitavānupalena cetaḥ ||'
nāyikāsakhīgamamārjanabhedo yathā mamaiva—
'kṛte'pyājñābhaṅge kathamiva mayā te praṇatayo
dhṛtāḥ smitvā haste visṛjasi ruṣaṃ subhru bahuśaḥ
prakopaḥ ko'pyanyaḥ punarayamasīmādya guṇito
vṛthā yatra snigdhāḥ priyasahacarīṇāmapi giraḥ
dānaṃ vyājena bhūṣāderyathā māve—
'muhurupahasitāmivālinādairvitarasi naḥ kalikāṃ kimarthamenām
adhirajani gatena dhāmni tasyāḥ
śaṭha kalireva mahāṃstvayādya dattaḥ ||'
pādayoḥ patanaṃ natiryathā—
'ṇeurakoḍivilaggaṃ cihuraṃ daiassa pāapaḍiassa
hiaaṃ māṇapautthaṃ ummoaṃ tti ccia kahei ||'
upekṣā tadavadhīraṇaṃ yathā—
'kiṃ gatena na hi yuktamupaituṃ neśvare paruṣatā sakhi sādhvī
ānayainamanunīya kathaṃ vā vipriyāṇi janayannanuneyaḥ ||'
rabhasatrāsaharṣāde rasāntarātkopabhraṃśo yathā mamaiva—
'abhivyaktālīkaḥ sakalaviphalopāyavibhavaściraṃ dhyātvā sadyaḥ kṛtakatakasaṃrambhanipuṇam
kāryataḥ saṃbhramācchāpātpravāso bhinnadeśatā