Dasharupavaloka 4.76

4.76

ātmasthānikṛtaneṣabhāṣādīnparasthānvā vibhāvānavalambamāno hāsastatparipoṣātmā hāsyo raso vyadhiṣṭhāno bhavati | sa cottamamadhyamādhamaprakṛtibhedātṣaḍvidhaḥ
ātmastho yathā rāvaṇaḥ—
‘jātaṃ me paruṣeṇa bhasmarajasā taccandanoddhūlanaṃ
hāro vakṣasi yajñasūtramucitaṃ kliṣṭā jaṭāḥ kuntalāḥ
rudrākṣaiḥ sakalaiḥ saratnavalayaṃ citrāṃśukaṃ valkalaṃ
sītālocanahāri kalpitamaho ramyaṃ vapuḥ kāminaḥ ||’
parastho yathā—
‘bhikṣo māṃsaniṣevaṇaṃ prakuruṣe kiṃ tena madyaṃ vinā
kiṃ te madyamapi priyaṃ priyamaho vārāṅganābhiḥ saha
veśyā dravyaruciḥ kutastava dhanaṃ dyūtena cauryeṇa vā
cauryadyūtaparigraho'pi bhavato dāsasya kānyā gatiḥ ||’
smitamiha vikāsinayanaṃ kiṃcillakṣyadvijaṃ tu hasitaṃ syāt
madhurasvaraṃ vihasitaṃ saśiraḥkampamidamupahasitam