Viramitrodaya 1.p222

1.p222

gāruḍe, māṃsalaṃ varttulaṃ mukham | iti | iti mukhalakṣaṇam | athādharalakṣaṇam | bhaviṣyapurāṇe, tāmrābhaḥ kiñcidānamraḥ sthaulyakārśyavivarjitaḥ | adharo yadi tuṅgaśca nārīṇāṃ bhogadaḥ sadā || sthūle kalahaśīlā syādvivarṇe cātiduḥkhitā | iti | skānde kāśīkhaṇḍe, pāṭalo vartulaḥ snigdho rekhābhūṣitamadhyabhūḥ | sīmanninīnāmadharo dharājñānipriyo bhavet || kṛśaḥ pralambaḥ kuṭilo rūkṣo daurbhāgyasūcakaḥ | śyāmaḥ sthūlo'dharoṣṭhaḥ syādvaidhavyakalahapradaḥ || iti | gāruḍe, āraktāvadharau śreṣṭhau-iti | varāhasaṃhitāyām, bandhujīvakusumopamo'dharo māṃsalo rucirabimbarūpadhṛk | iti| utpale samudraḥ, adharo bimbasaṅkāśo māṃsalo'sphuṭitastathā | yasyāḥ sā rājamahiṣī kumārī nātra saṃśayaḥ || iti | ityadharalakṣaṇam | athottaroṣṭhalakṣaṇam | skānde kāśīkhaṇḍe, masṛṇottamakāminyāścottaroṣṭhaḥ śubho'malaḥ | kiñcinmadhyonnato'romā viparīto viruddhakṛt || iti | bhaviṣye, uttaroṣṭhena tīkṣṇena vanitā'tyantakopanāva | iti | gāruḍe, yā saromottaroṣṭhī syānna śubhā bhartureva hi | iti | ityuttaroṣṭhalakṣaṇam | atha dantalakṣaṇam | bhaviṣyapurāṇe, śaṅkhakundendudhavalaiḥ snigdhaistuṅgairasandhibhiḥ | miṣṭānnapānamāpnoti dantairabhiranunnataiḥ || sūkṣmairatikṛśairhrasvaiḥ sphuṭitairviralaistathā | rūkṣaiśca duḥkhitā nityaṃ vikaṭairvimatirbhavet || iti | gāruḍe, kundapuṣpasamā dantā-iti