Viramitrodaya 1.p275

1.p275

yeṣāmagre karmaguṇaścandramārgastvanantaram | nakṣatrakendrabhaṃ caiva dvivargaḥ prathamaḥ smṛtaḥ || rāhau bṛhaspatau śukre dhūmaketau śanaiścare | aṅgārake budhe'rke ca vārānaṣṭau tataḥ paṭhet || cakreṣvantaracakraṃ ca mṛgacakraṃ tathaiva ca | śvacakraṃ vātacakraṃ ca cakrāṅgeṣu catuṣṭayam || vāstuvidyā'ṅgavidyā ca vāyasānāṃ tathaiva ca | jñeyāstisrastu vidyaitā vṛddhagargamatāḥ śubhāḥ || svātīyo gamathā''ṣāḍhārohiṇīyogameva ca | kṛtsnānetān vijānīyādyogāṃścaiva viśeṣataḥ || agasticāro janapadavyūhaḥ salilaṃ tataḥ | rahasyaṃ cetyathāṅgāni caturviṃśatidarśitāḥ || karmaguṇaḥ tithinakṣatrakaraṇamuhūrttānām | taduktamgargeṇa, athātastithinakṣatramuhūrttakaraṇātmakam | caturvyūhaṃ karmaguṇaṃ gargeṇoktaṃ yathāvidhi || tithinakṣatrakaraṇaguhūrttānāṃ ca sampadaḥ | tasmāccaturṇāmeteṣāṃ sampadā karma kārayet || iti | candramārgaḥvedavidyātapovṛddhaṃ sarvaśāstraviśāradam | kroṣṭukiḥ prayato gargamapṛcchatsomasambhavaḥ || kutaḥ samutthitaḥ somaḥ kena sṛṣṭaḥ kimātmakaḥ | ityādigargoktaḥ | nakṣatrakendrabham kati nakṣatrāṇi dhruvāṇi kati mṛdūnatyādi | cakrāṇi śubhaśakunāḥ | aṅgavidyā puṃsaṃjñakāyaṅgaviśeṣasya darśanena bhāvipraśnaphalaviśeṣakathanam | vāyasavidyā kākaśakunāḥ | āṣāḍhā pūrvāṣāḍhā | yogaḥ svātīpūrvāṣāḍhārohiṇīnakṣatracandrayogo vṛṣṭisūcakaḥ | janapadavyūhaḥdigdeśajātyupasargā yena jāyantyanāgatāḥ | tanme janapadavyūhaṃ naiṣṭhikaṃ gadatastathā || iti gargoktaḥ | salilaṃ salilajñānam | upāṅgānyāpyahasa eva, ata ūrdhvaṃ pravakṣyāmi upāṅgānīha nāmataḥ | ānupūrvyā'bhidhānena catvāriṃśatamekataḥ || grahakośo grahayuddhaṃ grahaśṛṅgāṭakaṃ tataḥ | kṛtsnaṃ graheśvarāṇāṃ ca grahapākāstathaiva ca || nṛpayātrā'gnivarṇāśca senāvyūhastathaiva ca | mayūracitropaniṣadupahārāśca śāntayaḥ || autpātikatulākośau bhavaskandopakārakam | sarvabhūtarutaṃ caiva tathā puṣpalatāṃ viduḥ || upānahostathocchedo vastracchedastathaiva ca | kṛtsnaṃ bhuvanakośaṃ ca garbhādhānodakārgalau || nirghātā bhūmikampāśca pariveṣāstathaiva ca | ṛtusvabhāvāḥ sandhyaivaṃ tatholkāścopadhārayet