Viramitrodaya 1.p296
Vīramitrodaya 1.p296
- Language
- Sanskrit
1.p296
atha śastrādhyakṣalakṣaṇam | viṣṇudharmottare, yantramukte pāṇimukte amukte muktadhārite | śastrācārye niyuddhe ca kuśalaśca tatheṣyate || iti | iti śastrādhyakṣalakṣaṇam | atha sthapatilakṣaṇam | viṣṇudharmottare, vāstuvidyāvidhānajño laghuhasto jitaśramaḥ | dīrghadarśī ca śūraśca sthapatiḥ parikīrttitaḥ || iti | iti sthapatilakṣaṇam | atha sārathilakṣaṇam | viṣṇudharmottare, śūraśca balayuktaśca gajāśvarathakovidaḥ | hayāyurvedatattvajño bhūmibhāgaviśeṣavit || balābalajño rathinaḥ sthiradṛṣṭirviśāradaḥ | śūraśca kṛtavidyaśca sārathiḥ parikīrttitaḥ || iti | iti sārathilakṣaṇam | atha dūtalakṣaṇam | tadāha - manuḥ, dūtaṃ caiva prakurvīta sarvaśāstrārthakovidam | iṅgitākāraceṣṭājñaṃ śuciṃ dakṣaṃ kulodgatam || anuraktaḥ śucirdakṣaḥ smṛtimān deśakālavit | vapuṣmān vītabhīrvāgmī dūto rājñaḥ praśasyate || iti
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (3)
- Mānava Dharmaśāstra — Manu & Bhṛgu, Sanskrit
- Akṣayanītisudhākara — Nagjī Rām Śarmā, Sanskrit
- Lakṣaṇaprakāśa (Mitramiśra) — Mitramiśra, Sanskrit